JOSHUA 7:2 - Edisana ñwed Abasi Ibom

² Ekem Joshua etie ke Jericho ɔdɔŋ owo, ete eka Ai, emi ekperede Beth-aven, ke edem Bethel emi utin asiahade, onyuŋ ɔdɔhɔ mmɔ, ete, Mbufo edɔk ekeyep isɔŋ oro. Ndien mbon oro edɔk ekeyep Ai.

JOSHUA 7:2 Referans Kwoze

JOSHUA 18:12

Ndien adaŋa mmɔ ke edem edere ɔtɔŋɔ ke Jordan; ndien adaŋa ɔdɔk ke edem edere Jericho, onyuŋ ɔdɔk ke ikpɔ obot ke edem usop-utin, ndien utit esie atuak ke wilderness Beth-aven.

HOSEA 4:15

Edieke afo Israel edide akpara, Judah okukam edue; mbufo ekunyuŋ edi ke Gilgal, ekunyuŋ edɔk eka ke Beth-aven, ekunyuŋ etomo, ete, Ma uwem Jehovah.

1 SAMUEL 14:23

Ntre ke Jehovah anyaŋa Israel ke usen oro: ekɔŋ onyuŋ ebe osim ke Beth-aven.

1 SAMUEL 13:5

Ekem mme Philistine esop idem ɔtɔ kiet, ndiŋwana ekɔŋ ye Israel, tɔsin chariot edip ye duop, ye tɔsin mbio horse itiokiet, ye mbon ekɔŋ nte ntan emi odude ke mben inyaŋ ke uwak: ndien mmɔ edɔk ekenam nna-ekɔŋ ke Michmash, ke edem usiaha-utin Beth-aven.

MATTHEW 10:16

Sese, mmosio mbufo ndɔŋ nte mme erɔŋ ke ufɔt mme ekpe ikɔt; mmɔdo mbufo enyene ibuot nte urukikɔt, enyuŋ efure nte ibiom.

MME ŊKE 24:6

Koro afo enyenede ndida ikike ke idem fo ŋŋwana ekɔŋ: ifure onyuŋ odu ke uwak mbon item.

MME ŊKE 20:18

Item eyenam uduak osu: da ikike ŋko ŋwana ekɔŋ.

GENESIS 12:8

Ekem, enye adaha do aka akamba obot kiet ke edem Beth-el emi utin asiahade, ndien owuk tent esie, Beth-el ke ada ke edem usop utin, ye Ai ke edem usiaha utin: ndien enye anam itie uwa do ɔnɔ Jehovah, onyuŋ okot Jehovah ke enyiŋ.

ŊWED MBON EPHESUS 5:15

Mmɔdo etiŋ enyin ekpeme nte esaŋade: ekusaŋa nte ndisime, edi esaŋa nte mbon eti ibuot.

NEHEMIAH 11:31

Ndien nditɔ Benjamin eduŋ ke Geba, ye Michmash, ye Aija, ye Bethel, ye mme obio iŋwaŋ mmɔ;

JOSHUA 12:9

ɔbɔŋ Jericho, kiet; ɔbɔŋ Ai, emi ekperede Beth-el,

JOSHUA 2:1

NDIEN Joshua eyen Nun etie ke Shittim ɔdɔŋ owo iba uyep ndibe-ndibe, ete, Mbufo eka ekese isɔŋ oro ye Jericho. Ndien mmɔ eka ekeduk ke ufɔk akpara kiet ekere Rahab, ekedaŋ do.

GENESIS 28:19

aran ɔtɔhɔ enye ke ibuot. Ndien enye osio ɔtɔ oro enyiŋ Beth-el: edi Luz edi mbemiso enyiŋ obio oro.

JOSHUA 7:3

Ekem mmɔ efiak etiene Joshua, enyuŋ edɔhɔ enye, ete, Kunam kpukpru owo edɔk; yak tɔsin owo iba, mme tɔsin owo ita edɔk ekesobo Ai, kunam kpukpru owo eka utom do: koro mmɔ oro edide esisit.

1 SAMUEL 30:27

esɔk mmɔ eke edude ke Beth-el, ye mmɔ eke edude ke usuk Ramoth,

JEREMIAH 49:3

O Heshbon, fiori: koro Ai amabiara: nditɔ iban Rabbah, mbufo eseme, ebɔbɔ ɔfɔŋ-ikpo ke idem; etuaŋa, enyuŋ ebuŋɔ kip esuana ke otu mme ɔkɔ: koro etaŋde edidem mmɔ efep, mme oku esie, ye mbɔŋ esie ɔtɔ kiet.

1 NDIDEM 12:29

Ndien enye ada kiet onim ke Bethel, onyuŋ onim kiet eken ke Dan.

ISAIAH 10:28

Enye edi ke Aiath, ebe osim ke Migron; onim mbiomo esie ke Michmash: