JOSHUA 7:1 - Edisana ñwed Abasi Ibom

¹ EDI nditɔ Israel ebiat mbet ke ikɔ ŋkpɔ nsobo: koro Achan, eyen Carmi, eyen Zabdi, eyen Zerah, owo esien Judah, akadade ndusuk ŋkpɔ nsobo: ndien Jehovah ayat esit ye nditɔ Israel.

JOSHUA 7:1 Referans Kwoze

JOSHUA 22:20

Nte Achan eyen Zerah ikanamke idiɔk ido ke ŋkpɔ nsobo oro, ndien iyaresit etiene ofuri esop Israel? Ndien owo oro ikakpaha ikpɔŋ ke idiɔk ido esie.

ECCLESIASTES 9:18

Eti ibuot ɔfɔn akan ŋkpɔ-ekɔŋ, ndien anam-idiɔk kiet abiat ediwak nti ŋkpɔ.

1 CHRONICLES 21:7

Ndien ŋkpɔ emi ɔdiɔk ke iso Abasi: mmɔdo enye amiade Israel.

JOSHUA 22:18

Ndien mbufo eyom ndiwɔŋɔre mfin emi ŋkpɔŋ Jehovah: ndien ama ekem, edieke mbufo esɔŋde ibuot ye Jehovah mfin emi, mkpɔŋ enye eyeyat esit ye ofuri esop Israel.

JOSHUA 22:16

ndien edɔhɔ mmɔ, ete, Ntem ke ofuri esop Jehovah edɔhɔ, ete, Nso oruk eridue edi emi mbufo eduede Abasi Israel, ke erifiak mfin ŋkpɔŋ Jehovah, ŋkanam itie-uwa ke idem mbufo, man mbufo esɔŋ ibuot ye Jehovah mfin emi?

JONAH 1:7

Ndien mmɔ edɔhɔ kiet ye kiet, ete, Ekam eyeak nnyin isin afia ifiɔk owo eke idiɔk ŋkpɔ emi otibede ɔnɔ nnyin abaŋa enye. Ndien adaŋemi mmɔ esinde afia, afia otip Jonah.

EZRA 9:6

O Abasi mi, but anam mi ke iso eti-eti ndimenere iso mi nse fi, O Abasi mi: koro mme ukwaŋ-ŋkpɔ nnyin ekoŋde ekan ibuot nnyin, isop nnyin onyuŋ okpon tutu osim ke ikpa-enyɔŋ.

2 CHRONICLES 24:18

Ndien mmɔ ekpɔŋ ufɔk Jehovah Abasi mme ete mmɔ, eka ekenam ŋkpɔ eto-mkpe, ye eke nsunsu abasi: ndien iyaresit odoro Judah ye Jerusalem abaŋa isop mmɔ emi.

2 SAMUEL 24:1

EKEM Jehovah ɔtɔŋɔ ntak ayat esit ye Israel, ndien enye edemere David ɔnɔ mmɔ ete, Ka kabat Israel ye Judah.

DANIEL 9:7

O Ɔbɔŋ, edinen ido enyene fi, edi but iso enyene nnyin kpa nte mfin emi, enyene mbio Judah, ye mme andiduŋ Jerusalem, ye ofuri Israel mkpet-mkpet ye nsan-nsan, ke kpukpru mme idut eke afo ekebinde mmɔ eka do, ebaŋa mme idiɔk ido emi ekenamde ye afo.

LEVITICUS 10:6

Ndien Moses ɔdɔhɔ Aaron, ye Eleazar, ye Ithamar, nditɔ esie, ete, Mbufo ekuyarare ŋkpɔ ke ibuot mbufo, ekunyuŋ ewai edisine-ŋkpɔ mbufo, mbak mbufo edikpaŋa, ifuresit edinyuŋ odoro kpukpru owo: edi yak ofuri ufɔk Israel, nditɔ ete mbufo, etuaŋa erifɔp emi Jehovah ɔkɔfɔpde.

2 NDIDEM 5:24

Ekem adaŋemi enye osimde obot, enye ɔbɔ mmɔ ke ubɔk ada okonim ke ufɔk: ndien ayak mbon oro enyɔŋ.

GENESIS 34:27

Nditɔ Jacob edi ke ɔtɔ mme akpa mkpa, edibume kpukpru ŋkpɔ obio, koro ema ekebiat eyen-ete

ŊWED JOB 35:8

Idiɔk ido fo osim owo nte afo: eti ido fo onyuŋ otuk eyen owo.