JOSHUA 6:25 - Edisana ñwed Abasi Ibom

²⁵ Ndien Joshua onim Rahab akpara, ye ufɔk ete esie, ye kpukpru se enye enyenede, ke uwem; enye onyuŋ odu ke ufɔt Israel tutu osim mfin emi: koro enye okodipde mme isuŋ-utom oro Joshua ɔkɔdɔŋde ekeyep Jericho.

JOSHUA 6:25 Referans Kwoze

MME HEBREW 11:31

Oto mbuɔtidem Rahab, ŋwan akpara oro, etre nditiene mmɔ oro edide mbon ntut-utɔŋ mbuana ke nsobo, sia enye akadade mbon-uyep esin ke ufɔk ke emem.

JAMES 2:25

Kpa ntre ŋko, nte ikabatke ite, ikpe etebe Rahab, akpara aŋwan oro, oto ke erinam ŋkpɔ, ke ini enye adade mme isuŋutom esin ke ufɔk, onyuŋ anamde mmɔ esaŋa ke usuŋ eŋwen enyɔŋɔ?

MATTHEW 1:5

Nahshon obon Salmon. Salmon obon Boaz emi Rahab amande;

JOSHUA 2:6

Ndien enye ama ada mmɔ ɔdɔk ke ɔkɔm, ama onyuŋ ada nnyanyaŋa flax emi enye okotimde obon ke enyɔŋ ɔkɔm, odip mmɔ.

UTOM MME APOSTLE 2:21

Ama ekem, eyenyaŋa kpukpru owo eke esemde ekot enyiŋ Jehovah.

JOSHUA 4:9

ekenim mmɔ do. Joshua onyuŋ okubi itiat duopeba ke ufɔt Jordan, ke ɔtɔ oro ukot mme oku emi ebiomde ekebe ediomi ekedade: ndien mmɔ edu do tutu osim mfin emi.

JOSHUA 2:1

NDIEN Joshua eyen Nun etie ke Shittim ɔdɔŋ owo iba uyep ndibe-ndibe, ete, Mbufo eka ekese isɔŋ oro ye Jericho. Ndien mmɔ eka ekeduk ke ufɔk akpara kiet ekere Rahab, ekedaŋ do.

JOSHUA 2:4

Edi ŋwan oro ada owo iba oro odip, ndien enye ɔdɔhɔ, ete, Edi ntre, mmɔ oro ekedi ke ebiet mi, edi ŋkɔfiɔkke ebiet eke mmɔ etode:

JOSHUA 2:18

Sese, ke adaŋemi nnyin isimde edem emi, da ididuot uruk emi tebe ke window emi afo etiede ke esit ɔsuhɔre nnyin: nyuŋ nam usɔ, ye uka, ye nditɔ uka, ye ofuri ufɔk usɔ ebono ye afo ke ufɔk emi.