JOSHUA 5:4 - Edisana ñwed Abasi Ibom

⁴ Ndien emi edi ntak emi Joshua onimde mmɔ mbobi: kpukpru owo oro eketode ke Egypt, irenowo, kpukpru mbon-ekɔŋ ekpaŋa ke wilderness ke usuŋ, ke ini mmɔ eketode ke Egypt.

JOSHUA 5:4 Referans Kwoze

1 ŊWED CORINTH 10:5

Edi ediwak owo ke otu mmɔ ikenemke Abasi esit; koro Enye asuan mme okpo mmɔ eduɔŋɔ ke desert.

DEUTERONOMY 2:16

Edikem adaŋemi kpukpru mbon-ekɔŋ ema ekekpaŋa ekure ke otu mbio oro,

DEUTERONOMY 2:14

Ndien ini emi nnyin iketode ke Kadesh-barnea, isaŋa tutu idibe itihere Zered, edi isua edip ye efureta; tutu ofuri emana mbon-ekɔŋ ekure ke nna, kpa nte Jehovah ɔkɔŋwɔŋɔde abaŋa mmɔ.

NUMBERS 14:22

Koro kpukpru mmɔ eke ekutde ubɔŋ mi, ye mme utibe ŋkpɔ mi emi ŋkanamde ke Egypt, ye ke wilderness, ema ekedomo mi utim ikoduop emi, ema enyuŋ esin uyo mi ndikop:

JOSHUA 5:3

Ndien Joshua ada itiat anam ikwa ɔnɔ idem esie, onyuŋ onim nditɔ Israel mbobi ke Gibeath-ha-araloth (obot mme edut).

JOSHUA 5:5

Koro kpukpru owo oro eketode ema ena mbobi: edi ama edi kpukpru mmɔ oro ekemanade ke usuŋ ke wilderness, ke ini mmɔ eketode ke Egypt, mmɔ ikenaŋa mbobi.