JOSHUA 4:7 - Edisana ñwed Abasi Ibom

⁷ Ndien mbufo edibɔrɔ mmɔ ete, Mmɔŋ Jordan ama ekekpehe ke iso ekebe ediomi Jehovah; adaŋaemi enye ebede Jordan, mmɔŋ Jordan ekpehe: ndien mme itiat emi eyena ke editi ŋkpɔ nditɔ Israel ke nsinsi.

JOSHUA 4:7 Referans Kwoze

EXODUS 12:14

Ndien usen emi eyedi usen eke mbufo etide; mbufo enyuŋ enim enye enɔ Jehovah ke usɔrɔ, ke kpukpru emana mbufo; enim enye ke nsinsi ewuhɔ.

ŊWED MME PSALM 111:4

Enye anam owo eti mme utibe ŋkpɔ esiemɔ: Jehovah ɔfɔn ido, onyuŋ enyene esit mbɔm.

NUMBERS 16:40

Man edi ŋkpɔ eriti nditɔ Israel, man esen owo, emi mitoho ke ubon Aaron, okusaŋa ekpere ndifɔp incense ke iso Jehovah; man okutie nte Korah ye mme nsaŋa esie: kpa nte emi Jehovah ɔkɔdɔhɔde enye ke ubɔk Moses.

EXODUS 28:12

Ndien da itiat iba oro dian ke afara ephod, (man edi) itiat eriti nditɔ Israel; ndien Aaron eyebiom enyiŋ mmɔ ke iso Jehovah, ke afara esie mbiba, ke ŋkpɔ eriti.

1 ŊWED CORINTH 11:24

Ɔbɔŋ Jesus emen uyo; ndien ke Enye ama ɔkɔnɔ Abasi ekɔm, Enye obuŋ uyo, onyuŋ ɔdɔhɔ ete, Ebɔ, eta; emi edi ikpɔhidem Mi ɔnɔ mbufo; enam emi nditi Mi.

ISAIAH 66:3

Eke ɔyɔkde enaŋ owot owo; eke awade eyen erɔŋ atuak ebua itɔŋ; eke odoride inuak-udia osime iyip edi; eke ɔfɔpde incense ɔkɔm ibɔk. Mmɔ ememek usuŋ mmɔ ŋko, ŋkpɔ mbubiam mmɔ enyuŋ enem mmɔ esit.

JOSHUA 4:6

man emi edi idiɔŋɔ ke ufɔt mbufo, adaŋemi nditɔ mbufo edibupde ke ini iso, ete, Mbufo enim mme itiat emi ke nso?

EXODUS 30:16

Ntem ke afo edibɔ nditɔ Israel silver usio-isop, onyuŋ ada enye ɔnɔ ke utom tent esop; man nditɔ Israel enyene enye ke ŋkpɔ eriti ke iso Jehovah, ke erisio isop ukpɔŋ mbufo.

NUMBERS 17:5

Ndien ama ekem esaŋ owo eke ndimekde, eyesehe: ntem ke ndisuk nsukuyo nditɔ Israel emi mmɔ esukde mbufo, nnam enye ɔkpɔŋ mi.

DEUTERONOMY 16:3

Kuta uyo eke leaven esinede udian ye enye; ke ofuri usen itiaba da uyo eke leaven miduhe, kpa uyo ukut, ta ye enye: koro afo ekefehede itɔk ke isɔŋ Egypt ɔwɔrɔ: man afo eti usen oro afo okotode ke isɔŋ Egypt, ke kpukpru usen uwem fo.