JOSHUA 4:24 - Edisana ñwed Abasi Ibom

²⁴ Kpaŋ kpukpru mme idut ke ererimbot ekpefiɔk ubɔk Jehovah, nte enye ɔsɔŋɔde: kpaŋ mbufo ekpeteŋe Jehovah Abasi mbufo kpukpru ini.

JOSHUA 4:24 Referans Kwoze

ŊWED MME PSALM 106:8

Ndien enye anyaŋa mmɔ ke abaŋa enyiŋ esiemɔ; man anam mmɔ efiɔk odudu esie. Enye onyuŋ aduari Ididuot Inyaŋ, ndien Inyaŋ asat:

ŊWED MME PSALM 89:13

Afo emenyene ubɔk odudu: ubɔk fo ɔmɔsɔŋ, nnasia fo omokoŋ.

1 CHRONICLES 29:12

Inyene ye ukpono eto fi ke iso, afo onyuŋ edi andikara kpukpru: odudu ye uko enyuŋ edu fi ke ubɔk; onyuŋ enyene fi ndinam kpukpru ekpon enyuŋ esɔŋ.

2 NDIDEM 19:19

Ke emi, ndien, O Jehovah Abasi nnyin, mbɔk, nyaŋa nnyin sio enye ke ubɔk, ndien kpukpru mme idut ererimbot eyefiɔk ete ke afo edi Jehovah Abasi, afo ikpɔŋ-ikpɔŋ.

EXODUS 15:16

Ndik ye mbɔribɔ eyefuk mmɔ: akwa ubɔk fo eyesin mmɔ edobo nte itiat, tutu ikɔt fo, O Jehovah, ebe; tutu ikɔt emi afo edepde ebe.

EXODUS 14:31

Ndien Israel enyuŋ ekut ɔkpɔsɔŋ ubɔk oro Jehovah adade anam nditɔ Egypt: Kpukpru owo enyuŋ ebak Jehovah, enyuŋ enim uyo Jehovah ke akpanikɔ, ye eke owo esie Moses.

DEUTERONOMY 6:2

man afo abak Jehovah Abasi fo, onyuŋ ekpeme kpukpru mme ewuhɔ esie, ye mbet esie, emi ami ntemede fi, afo, ye eyen fo, ye eyeyen fo, ofuri ini uwem fo; man mme usen fo enyuŋ ebigi.

JEREMIAH 32:40

Nyenyuŋ nnim nsinsi ediomi ye mmɔ, nte ndikabakede ŋkpɔŋ mmɔ, ntre ndifɔn ye mmɔ; nyenyuŋ nda uteŋe mi nsin mmɔ ke esit, man ekukabare ekpɔŋ mi.

ŊWED MME PSALM 89:7

Abasi ekpenyene uteŋe ke odu ndisana owo; ndik esie okonyuŋ odoro kpukpru owo eke ekande enye ekuk.

2 NDIDEM 5:15

Ekem, enye ye ofuri udim esie efiak ekesim owo Abasi, edi edida enye ke iso: ndien enye ɔdɔhɔ ete, Mbɔk, sese, mmɔfiɔk nte ke baba Abasi kiet iduhe ke ofuri ereri-mbot, ke mibɔhɔke ke Israel: mbɔk ndien, bɔ owo fo ŋkpɔ mfɔn.

1 SAMUEL 17:46

Mfin emi Jehovah eyeda fi esin mi ke ubɔk; ndien nyewot fi, nnyuŋ mbigi fi ibuot; nyenyuŋ nda okpo mbon ekɔŋ mme Philistine mfin emi, nnɔ mme inuen enyɔŋ, ye mme unam ikɔt; man ofuri ererimbot efiɔk ete ke Israel enyene Abasi.

EXODUS 20:20

Ndien Moses ɔdɔhɔ mmɔ ete, Mbufo ekufehe ndik; koro Abasi emedi ndidomo mbufo, man uteŋe esie odu mbufo ke iso ŋko, man mbufo ekunam idiɔk.

EXODUS 9:16

Edi ŋkɔm edi emi ekesin mi nnim fi, man ŋwut fi odudu mi; man enyuŋ ekwɔrɔ enyiŋ mi ke ofuri ererimbot.

DEUTERONOMY 28:10

Ndien kpukpru mme idut ke ererimbot eyekut nte afo ekerede enyiŋ Jehovah; ndien ndik fo eyenam mmɔ.

1 NDIDEM 8:60

man kpukpru obio ke ererimbot efiɔk ete ke Jehovah edi Abasi; efen iduhe du.

1 NDIDEM 8:40

kpaŋ mmɔ ekpebak fi kpukpru usen eke mmɔ edidude ke iso isɔŋ emi afo ɔkɔnɔde mme ete nnyin.

ŊWED JOB 40:9

Nte afo emenyene ubɔk ebiet eke Abasi? Nte emekeme ndituak enyɔŋ ke uyo eke ebietde esie?

ISAIAH 52:10

enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.