JOSHUA 3:3 - Edisana ñwed Abasi Ibom

³ ndien mmɔ ewuk kpukpru owo, ete, Ke adaŋemi mbufo ekutde ekebe ediomi Jehovah Abasi mbufo, ye nte mme oku, mme Levite, ebiomde enye, ndien mbufo edaŋa ke ebiet mbufo, enyuŋ esaŋa enye ke edem:

JOSHUA 3:3 Referans Kwoze

DEUTERONOMY 31:9

Ndien Moses ewet ŋwed mbet emi, onyuŋ emen enye ɔnɔ mme oku, nditɔ Levi, emi ebiomde ekebe ediomi Jehovah, onyuŋ ɔnɔ kpukpru mbiowo Israel.

2 SAMUEL 6:13

Edikem adaŋemi mme andibiom ekebe Jehovah ekesaŋade ikpat itiokiet ema, enye awa enaŋ ye ikpɔ nditɔ enaŋ.

JOSHUA 3:8

Kpa nte ŋkodude ye Moses. Afo eyewuk ndien mme oku emi ebiomde ekebe ediomi, ete, Ke ini mbufo esimde mben mmɔŋ Jordan, etuak eda ke Jordan.

DEUTERONOMY 31:25

emi ebiomde ekebe ediomi Jehovah, ete,

NUMBERS 10:33

Ekem mmɔ edaŋa ke obot Jehovah, esaŋa isaŋ usen ita; ekebe ediomi Jehovah onyuŋ ebem mmɔ iso ke isaŋ usen ita, ndiyom ebiet nna nnɔ mmɔ.

ERIYARARE 14:4

Mmɔ emi edi owo emi mikasabakere idem ye iban; koro mmɔ mikɔdɔhɔ ndɔ. Emi edi mmɔ emi etienede Eyen-erɔŋ eka ɔtɔ nte Enye akaka. Ekefak mmɔ esio ke otu owo, ete mmɔ edi akpa mbuŋwum enɔ Abasi ye Eyen-erɔŋ.

MATTHEW 16:24

Ekem Jesus ɔdɔhɔ mbet Esie ete, Edieke owo ekededi oyomde nditiene Mi, yak enye otuk idem esie, onyuŋ emen cross esie, etiene Mi.

MATTHEW 8:19

Ndien scribe kiet edi edidɔhɔ Enye ete, Andikpep, nyetiene Fi ŋka ebiet eke Afo edikaka.

2 SAMUEL 6:3

Ndien mmɔ edori ekebe Abasi ke obufa ukpat-ŋkpɔ, enyuŋ eda enye edaha ke ufɔk Abinadab emi odude ke Gibeah ewɔrɔ: ndien Uzzah ye Ahio, nditɔ Abinadab, ebin obufa ukpat-ŋkpɔ oro.

JOSHUA 6:6

Ekem Joshua eyen Nun okot mme oku, onyuŋ ɔdɔhɔ mmɔ ete, Mbufo emen ekebe ediomi, oku itiaba enyuŋ ekama obukpoŋ itiaba ebem ekebe Jehovah iso.

JOSHUA 4:10

Ndien mme oku emi ebiomde ekebe eda ke ufɔt Jordan, tutu mmɔ ema kpukpru ŋkpɔ emi Jehovah eketemede Joshua, ete etiŋ ɔnɔ mbon oro, ekem ye kpukpru se Moses eketemede Joshua: ndien mmɔ esɔp ukot ebe.

JOSHUA 3:6

Ndien Joshua ɔdɔhɔ mme oku, ete, Mbufo emen ekebe ediomi, enyuŋ ebem kpukpru owo iso ebe. Ndien mmɔ emen ekebe ediomi, enyuŋ esaŋa kpukpru owo ke iso.

NUMBERS 4:15

Ndien ama ekem, ke adaŋemi Aaron ye nditɔ esie efukde edisana ebiet, ye kpukpru ŋkpɔ unam-utom edisana ebiet ema, ke ini ewuhɔrede nna; yak nditɔ Kohath edi ndien edibiom: edi ekuktuk edisana ŋkpɔ baba kiet, mbak mmɔ edikpa. Mme mmɔ emi edi mbiomo nditɔ Kohath ke efe esop.

JOSHUA 3:4

edi eyak ufaŋ ana mbufo ke ufɔt ye enye, tɔsin ibio idomo-okuk iba, mbufo ekukpere enye: man efiɔk usuŋ eke edisaŋade ke esit: koro akanam mbufo misaŋake kaŋa ke usuŋ oro ibe.

1 SAMUEL 6:15

Ndien mme Levite esuhɔre ekebe Jehovah, ye ekpri ekebe oro odude ye enye, emi ŋkpɔ gold edude enye ke esit, eda edori ke akamba itiat oro: ndien nditɔ Bethshemesh efɔp edifɔp uwa, enyuŋ ewa uwa emem enɔ Jehovah ke usen oro.

1 NDIDEM 8:3

Ndien adaŋoro kpukpru mbiowo Israel edide, mme oku emen ekebe.

JEREMIAH 33:18

owo mme oku mme Levite idinyuŋ itreke ndiwa edifɔp uwa ke iso mi, idinyuŋ itreke ndifɔp inuak-udia, nnyuŋ ŋwa uwa emem kpukpru ini.