JOSHUA 24:7 - Edisana ñwed Abasi Ibom

⁷ Ndien ke ini mmɔ esemede enɔ Jehovah, enye esin ekim ke ufɔt mbufo ye Egypt, onyuŋ anam inyaŋ edifuk mmɔ; enyin mbufo ema ekut se ŋkanamde ke Egypt: ndien mbufo ema enyuŋ eduŋ ke wilderness ediwak usen.

JOSHUA 24:7 Referans Kwoze

DEUTERONOMY 4:34

Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?

EXODUS 14:20

Ndien enye ediduk ke ufɔt nna nditɔ Egypt ye nna Israel; ndien akabare edi idiɔk enyɔŋ ye ekim ɔnɔ mmɔ, edi aŋwaŋa okoneyo ɔnɔ mmɔ eken: kiet inyuŋ isaŋake ikpere kiet ke ofuri okoneyo oro.

EXODUS 14:10

Ekem, ke ini Pharaoh asaŋade ekpere, nditɔ Israel emenere enyin mmɔ, ndien sese, nditɔ Egypt esaŋa ebine mmɔ; ndien ndik anam mmɔ eti-eti: nditɔ Israel enyuŋ eseme enɔ Jehovah.

EXODUS 14:31

Ndien Israel enyuŋ ekut ɔkpɔsɔŋ ubɔk oro Jehovah adade anam nditɔ Egypt: Kpukpru owo enyuŋ ebak Jehovah, enyuŋ enim uyo Jehovah ke akpanikɔ, ye eke owo esie Moses.

JOSHUA 5:6

Koro nditɔ Israel esaŋade ke wilderness ke isua aba, tutu kpukpru owo ke otu mbon ekɔŋ oro eketode ke Egypt, ekure, koro mmɔ mikekopke uyo Jehovah: emi Jehovah ɔkɔŋwɔŋɔde abaŋa mmɔ, ete ke imɔ idiwutke mmɔ isɔŋ oro Jehovah ɔkɔŋwɔŋɔde ɔnɔ mme ete mmɔ, ete iyenɔ nnyin, isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 29:2

Ndien Moses okot ofuri Israel edi, onyuŋ ɔdɔhɔ mmɔ, ete, Mbufo ekekut kpukpru se Jehovah akanamde Pharaoh, ye kpukpru ikɔt esie, ye ofuri isɔŋ esie, ke iso mbufo ke isɔŋ Egypt;

DEUTERONOMY 1:46

Ndien mbufo ebigi ke Kadesh ediwak usen, ke adaŋa ibat usen emi mbufo ebigide.

MME HEBREW 3:17

Abasi okonyuŋ ayat esit ye manie isua aba? Nte idige ye mme anam idiɔk-ŋkpɔ, emi mme okpo mmɔ eduɔŋɔde ke desert?

DEUTERONOMY 2:14

Ndien ini emi nnyin iketode ke Kadesh-barnea, isaŋa tutu idibe itihere Zered, edi isua edip ye efureta; tutu ofuri emana mbon-ekɔŋ ekure ke nna, kpa nte Jehovah ɔkɔŋwɔŋɔde abaŋa mmɔ.