JOSHUA 24:25 - Edisana ñwed Abasi Ibom

²⁵ Ndien Joshua odiomi ediomi ye kpukpru owo ke usen oro, onyuŋ eteme mmɔ mme ewuhɔ ye mme item ke Shechem.

JOSHUA 24:25 Referans Kwoze

EXODUS 15:25

Nnyin idiŋwɔŋ nso? Ndien enye eseme ɔnɔ Jehovah; ndien Jehovah owut enye eto kiet; ndien enye ada eto oro ɔduɔk ke mmɔŋ oro, ndien mmɔŋ oro akabare enem: do ke Enye ɔnɔ enye ewuhɔ ye item, onyuŋ odomo enye do;

NEHEMIAH 9:38

Ndien kpukpru ŋkpɔ emi esin nnyin idiomi ediomi, inyuŋ iwet; ndien mbɔŋ nnyin, ye mme Levite nnyin, ye mme oku nnyin, enyuŋ efik ke ufik-ŋwed mmɔ.

2 CHRONICLES 23:16

Ekem Jehoiada anam ediomi ke ufɔk idem esie, ye kpukpru mbio-obio, ye edidem, ete edi ikɔt Jehovah.

2 NDIDEM 11:17

Ndien Jehoiada anam ediomi ke ufɔt Jehovah ye edidem, ye mbio-obio ete mmɔ edi ikɔt Jehovah; enye onyuŋ anam ediomi ŋko ke ufɔt edidem ye mbio-obio.

2 CHRONICLES 29:10

Ndien odu mi ke esit ndidiomi ye Jehovah Abasi Israel, man ikaŋ iyaresit esie ɔwɔŋɔre ɔkpɔŋ nnyin.

2 CHRONICLES 15:15

Ndien ofuri Judah edat esit ebaŋa uŋwɔŋɔ oro: koro mmɔ ekeŋwɔŋɔde ke ofuri esit mmɔ, enyuŋ eyomde enye ke ofuri itɔŋ mmɔ; ndien mmɔ ekut enye; Jehovah onyuŋ anam mmɔ etie suŋ ke edem kpukpru.

2 CHRONICLES 15:12

Mmɔ enyuŋ eduk ke ediomi, ete mmimɔ iyeyom Jehovah Abasi mme ete mmimɔ, ke ofuri esit mmimɔ, ye ke ofuri ukpɔŋ mmimɔ;

JOSHUA 24:26

Joshua onyuŋ ewet kpukpru ikɔ emi, esin ke ŋwed mme ewuhɔ Abasi, onyuŋ emen akamba itiat owuk ke idak ofriyo kiet emi adade adiana edisana ufɔk Jehovah.

JOSHUA 24:1

EDIKEM Joshua obon kpukpru esien nditɔ Israel ke Shechem, onyuŋ okot mbiowo Israel, ye ikpɔ owo mmɔ, ye mme ekpe-ikpe mmɔ, ye mme andidaha mmɔ edi; ndien mmɔ edida ke iso Abasi.

DEUTERONOMY 29:1

MME mmɔ emi edi ikɔ ediomi Jehovah Abasi ɔkɔdɔhɔde Moses, ete, enye anam ye nditɔ Israel ke isɔŋ Moab, ɔkɔrɔ ye ediomi emi enye akanamde ye mmɔ ke Horeb.

EXODUS 24:3

Ekem Moses emen kpukpru ikɔ Jehovah, ye kpukpru mme item emi, edi editiŋ ɔnɔ kpukpru owo: ndien kpukpru owo ebɔrɔ uyo kiet, ete, Nnyin iyenam kpukpru ikɔ emi Jehovah ɔkɔdɔhɔde.

GENESIS 35:4

Ndien mmɔ emen kpukpru isen abasi emi edude mmɔ ke ubɔk, ye kpukpru mkpanuen emi esinede mmɔ ke utɔŋ enɔ Jacob; ndien Jacob ada mmɔ obuk ke idak ofriyo emi ekperede Shechem.