JOSHUA 24:1 - Edisana ñwed Abasi Ibom

¹ EDIKEM Joshua obon kpukpru esien nditɔ Israel ke Shechem, onyuŋ okot mbiowo Israel, ye ikpɔ owo mmɔ, ye mme ekpe-ikpe mmɔ, ye mme andidaha mmɔ edi; ndien mmɔ edida ke iso Abasi.

JOSHUA 24:1 Referans Kwoze

JOSHUA 23:2

Ndien Joshua okot ofuri Israel ye mbiowo mmɔ, ye mme ikpɔ owo mmɔ, ye mme ekpe-ikpe mmɔ, ye mme andidaha mmɔ, edi, ndien ɔdɔhɔ mmɔ, ete, Ami mmakabare nyedi akani, mmonyuŋ nsɔŋ eti-eti:

1 SAMUEL 10:19

Edi mfin emi mbufo emesin Abasi mbufo, emi edide enye akanyaŋa mbufo osio ke ofuri ukut mbufo, ye nnanenyin mbufo; enyuŋ edɔhɔ enye, ete, Kutre ndinam edidem nnɔ nnyin. Mbufo edi, ndien, edida ke iso Jehovah, ke esien, ke esien, ye ke tɔsin, ke tɔsin.

UTOM MME APOSTLE 10:33

Mmɔdo idaha oro ndɔŋ ebine fi; ndien omotim anam emi ama edi. Mmɔdo ke emi kpukpru nnyin idu mi ke iso Abasi, man ikop kpukpru se Jehovah ɔdɔhɔde fi etiŋ.

1 NDIDEM 12:1

EKEM Rehoboam aka ke Shechem: koro ofuri Israel ekade Shechem ndinim enye ke edidem.

GENESIS 12:6

Ndien Abram asaŋa ke ufɔt isɔŋ oro ebe osim ke ebiet Shechem, ke ɔtɔ Moreh. Mme Canaanite enyuŋ edu ke isɔŋ ke ini oro.

GENESIS 35:4

Ndien mmɔ emen kpukpru isen abasi emi edude mmɔ ke ubɔk, ye kpukpru mkpanuen emi esinede mmɔ ke utɔŋ enɔ Jacob; ndien Jacob ada mmɔ obuk ke idak ofriyo emi ekperede Shechem.

DEUTERONOMY 29:9

Mbufo ekpeme, ndien, ikɔ ediomi emi, enyuŋ enam mmɔ, man ekut unen ke kpukpru se mbufo edinamde.

JOSHUA 20:7

Ndien enim Kedesh ke Galilee ke obot Naphtali, ye Shechem ke obot Ephraim, ye Kiriath-arba, oro edi Hebron ke ikpɔ obot Judah.

JUDGES 20:26

Ndien kpukpru nditɔ Israel ye kpukpru owo edɔk eka Beth-el eketua eyet, enyuŋ etie do ke iso Jehovah, enyuŋ etre udia ke usen oro, tutu osim mbubreyo: mmɔ enyuŋ ewa edifɔp uwa ye uwa emem ke iso Jehovah.

2 NDIDEM 23:1

EKEM edidem ɔdɔŋ ekekot kpukpru mbiowo Judah, ye eke Jerusalem, ete esop idem ke ɔtɔ imɔ.