JOSHUA 23:9 - Edisana ñwed Abasi Ibom

⁹ ndien Jehovah ama okosio ikpɔ ye mkpɔsɔŋ mme idut ke iso mbufo efep ndien ama edi mbufo, owo ndomo kiet ikadaha ke iso mbufo tutu osim mfin emi.

JOSHUA 23:9 Referans Kwoze

JOSHUA 1:5

Baba owo kiet idibiɔŋɔke fi ke iso, ke ofuri ini uwem fo: nyedu ye afo kpa nte ŋkodude ye Moses: ndiyakke fi nduɔk, ndinyuŋ ŋkpɔŋke fi.

DEUTERONOMY 11:23

ndien Jehovah eyebin kpukpru mme idut emi ke iso mbufo efep, mbufo eyenyuŋ eda mme idut emi ekponide enyuŋ esɔŋɔde ekan mbufo, enyene.

JOSHUA 23:5

Ndien edi Jehovah Abasi mbufo eyebin mmɔ ke iso mbufo efep, eyenyuŋ osioŋo mmɔ ke iso mbufo efep; ndien mbufo eyeda isɔŋ mmɔ, kpa nte Jehovah Abasi mbufo ɔkɔdɔhɔde mbufo.

EXODUS 23:30

Nyebin mmɔ nsit-nsit ke iso fo mfep, tutu afo editɔt, onyuŋ ada isɔŋ oro enyene

JOSHUA 15:14

Ndien Caleb osio nditɔ Anak ita ke ɔtɔ oro efep, Sheshai, ye Ahiman, ye Talmai, nditɔ Anak.

DEUTERONOMY 7:24

Enye eyenyuŋ emen mbɔŋ mmɔ esin fi ke ubɔk, ndien afo eyesobo enyiŋ mmɔ efep ke idak enyɔŋ: baba owo kiet idikemeke ndida fi ke iso, tutu afo asuan mmɔ.

UTOM MME APOSTLE 7:45

Mme ete nnyin ŋko eda ataya emi esaŋa ye Joshua eduk, ke ini mmɔ edade isɔŋ mme idut, emi Abasi ebinde osio ke iso mme ete nnyin, enyene, tutu osim eyo David:

EXODUS 23:23

Koro angel mi eyebem fi iso, eyenyuŋ ada fi aka ebiet mme Amorite, ye mme Hittite, ye mme Perizzite, ye mme Canaanite, ye mme Hivite, ye mme Jebusite;

JOSHUA 23:8

ekunyuŋ enuhɔ enɔ mmɔ: edi mbufo eyire ye Jehovah Abasi mbufo, kpa nte ŋkanamde tutu osim mfin emi;

JOSHUA 24:18

Jehovah ama onyuŋ osio kpukpru obio oro, ye mme Amorite emi eduŋde ke edem oro, ke iso nnyin efep: mmɔdo nnyin iyenam ŋkpɔ inɔ Jehovah: koro edi enye edi Abasi nnyin.

1 NDIDEM 21:26

Enye onyuŋ anam mbubiam ŋkpɔ ke eritiene ndem, kpa nte mme Amorite emi Jehovah ekebinde mmɔ ke iso nditɔ Israel efep, ekenamde kpukpru ŋkpɔ,

2 CHRONICLES 20:7

Nte afo, O Abasi nnyin, ukebinke mme andiduŋ isɔŋ emi ke iso ikɔt fo Israel ufep, ukonyuŋ udaha enye unɔ ubon Abraham andima fi ke nsinsi?