JOSHUA 23:14 - Edisana ñwed Abasi Ibom

¹⁴ Ndien sese, mfin emi ami mmɔŋ ŋka usuŋ ofuri ererimbot: ndien mbufo emefiɔk ke ofuri esit mbufo, ye ke ofuri ukpɔŋ mbufo, ete ke baba eti ikɔ kiet eke Jehovah Abasi mbufo ɔkɔdɔhɔde abaŋa mbufo, ikpuho: kpukpru ema esu enɔ mbufo, baba ikɔ kiet ikpuho ke esit.

JOSHUA 23:14 Referans Kwoze

LUKE 21:33

Enyɔŋ ye isɔŋ eyebe efep: edi ikɔ Mi idibehe ifep.

1 NDIDEM 2:2

ete, Ami mmɔŋ ŋka usuŋ ofuri ererimbot: sɔŋ ubɔk, ndien, nyuŋ nam ido erenowo;

ECCLESIASTES 9:10

Da odudu fo nam kpukpru se ubɔk fo okutde ndinam: koro baba erinam, baba uduak, baba ifiɔk, baba mbufiɔk miduhe ke obio ekpo emi afo akade do.

NUMBERS 23:19

Abasi idige owo eke enye okposude nsu, inyuŋ idige eyen owo eke enye ɔkpɔkpuhɔre. Nte enye ɔdɔhɔ, ndien etre ndinam?

1 NDIDEM 8:56

Ekɔm Jehovah emi ɔkɔnɔde ikɔt esie nduɔk-odudu, kpa nte kpukpru se enye ɔkɔdɔhɔde asaŋade: baba ikɔ kiet ke otu kpukpru nti ikɔ oro enye akadade ubɔk Moses owo esie ɔdɔhɔ, ikpuhu.

1 SAMUEL 3:19

Ekem Samuel okpon, Jehovah onyuŋ odu ye enye, inyuŋ iyakke baba ikɔ esie kiet ɔduɔ ke isɔŋ.

ECCLESIASTES 12:5

mmɔ enyuŋ ebak se ikoŋde, ŋkpɔ ndik enyuŋ edu ke usuŋ, eto almond onyuŋ asiaha ikɔŋ, ŋkuku-ŋkpɔyɔriyɔ onyuŋ akabare odobi, udɔŋ onyuŋ odop: koro owo ɔmɔŋ aka ke nsinsi iduŋ esie; mbon ntuaŋa enyuŋ ekanare obio ekuk:

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

MME HEBREW 9:27

Ndien kpa nte ema enim enɔ owo ndikpa ini kiet, ndinyuŋ nda ke itie-ikpe ke oro ebede;

ŊWED JOB 30:23

Koro mmɔfiɔk nte ke afo edida mi aka mkpa, ye ke ufɔk emi mme andidu uwem esopde.

EZEKIEL 20:28

Ami nnyuŋ nda mmɔ nduk ke isɔŋ emi ŋkemenerede ubɔk mi, nte ke nyeda enye nnɔ mmɔ, ndien mmɔ ekut kpukpru edikoŋ obot, ye kpukpru mfuhɔ eto, ndien ewa mme uwa mmɔ do ndien do ke mmɔ enɔ enɔ mmɔ eke esinde iyaresit: enyuŋ enim do edinem utebe mmɔ, enyuŋ eŋwaŋa do ediŋwɔŋ uwa mmɔ.

GENESIS 47:29

Ekem, ini ekpere eke Israel akpade; ndien enye okot Joseph eyen esie edi, onyuŋ ɔdɔhɔ enye ete, Edieke ŋkutde mfɔn ke iso fo, mbɔk, sin ubɔk fo ke idak ifuhi mi, nyuŋ nam mfɔn ye akpanikɔ ye ami; mbɔk, kubuk mi ke Egypt: