JOSHUA 22:8 - Edisana ñwed Abasi Ibom

⁸ onyuŋ ɔdɔhɔ mmɔ, ete, Mbufo eda ediwak inyene, ye ediwak ufene eti-eti, ye silver, ye gold, ye okpoho, ye ukwak, ye ɔfɔŋ-idem ediwak eti-eti, enyɔŋɔ ke mme tent mbufo: eda mbume mme asua mbufo edeme enɔ nditɔ-ete mbufo.

JOSHUA 22:8 Referans Kwoze

NUMBERS 31:27

ndien bahare se emumde ke mbak iba ukem-ukem, nɔ mme mmɔ emi ekesinde ubɔk ke ekɔŋ, enyuŋ ewɔŋɔde eka ekɔŋ, nɔ kpukpru mbon esop ŋko:

MME ŊKE 3:16

Anyan usen odu enye ke ubɔk nnasia; inyene ye ubɔn edu enye ke ufien.

1 SAMUEL 30:24

Anie owo ŋko edikop uyo mbufo ke ikɔ emi? Ŋkɔm udeme andisuhɔre ke ekɔŋ eyekem ke udeme anditie ye mkpɔduɔhɔ: mmɔ eyeda udeme ukem-ukem.

MME HEBREW 11:26

enye onyuŋ abat esuene Christ nte inyene eke okponde akan ŋkpɔ uto Egypt: koro enye owukde enyin ese utip eke edinɔde enye.

1 ŊWED CORINTH 15:58

Mmɔdo ndima nditɔ-ete mi, esɔŋɔ eda, ekuyak ŋkpɔ esehere mbufo; eyɔhɔ kpukpru ini ke utom Ɔbɔŋ; sia emɔfiɔk ete utom eke mme imɔ inamde idiwɔrɔke idi ikpikpu ke Ɔbɔŋ.

ŊWED MME PSALM 68:12

Ndidem mbon-ekɔŋ eyefeŋe, eyefeŋe, ndien ŋwan eke osukde ke ufɔk eyebahare mbume.

2 CHRONICLES 17:5

Ndien Jehovah anam ubɔŋ ɔsɔŋ ada enye ke ubɔk; ofuri Judah enyuŋ enɔ Jehoshaphat enɔ; enye onyuŋ enyene ediwak inyene ye ukpono.

1 SAMUEL 30:16

Ekem adaŋemi enye akadade enye ɔsuhɔre, sese, mmɔ efuk ofuri iso isɔŋ, ke edia ŋkpɔ, enyuŋ eŋwɔŋ, enyuŋ enek unek, ebaŋa adaŋa ekese mbume oro mmɔ ekebumede ke isɔŋ mme Philistine, ye ke isɔŋ Judah.

2 CHRONICLES 32:27

Ekem Hezekiah enyene inyene ye ubɔŋ eti-eti: enye onyuŋ anam ebiet unim-ŋkpɔ-uto ke idem esie ɔnɔ silver, ye gold, ye ndiye itiat, ye ufuɔŋkpɔ, ye otu-ekɔŋ, ye kpukpru ŋkpɔ inemesit:

1 CHRONICLES 5:9

ndien enye oduŋ ke edem usiaha-utin, ɔtɔŋɔde ke akpa Euphrates tutu osim ebiet emi edukde wilderness; koro ufene mmɔ ewakde ke isɔŋ Gilead.