JOSHUA 22:4 - Edisana ñwed Abasi Ibom

⁴ Ndien ke emi Jehovah Abasi mbufo ɔmɔnɔ nditɔ-ete mbufo nduɔk-odudu, kpa nte enye ɔkɔdɔhɔde mmɔ: mbufo enyɔŋɔ, ndien, eka ke mme tent mbufo, ke isɔŋ emi mbufo edade, emi Moses owo Jehovah ɔkɔnɔde mbufo ke edem Jordan oko.

JOSHUA 22:4 Referans Kwoze

JOSHUA 13:8

emi mme Reubenite ye mme Gadite ema ema udeme mmɔ ye mmɔ, nte Moses ɔkɔnɔde mmɔ ke edem Jordan oko ke edem usiaha-utin, kpa nte Moses owo Jehovah ɔkɔnɔde mmɔ;

NUMBERS 32:18

Nnyin idinyɔŋke idi ebiet nnyin tutu kpukpru nditɔ Israel kiet kiet eda udeme mmɔ.

DEUTERONOMY 3:20

tutu Jehovah ɔnɔ nditɔ-ete mbufo nduɔk-odudu, kpa nte mbufo, (tutu) mmɔ ŋko enyuŋ eda isɔŋ emi Jehovah Abasi mbufo ɔnɔde mmɔ ke edem Jordan oko: ndien kpukpru mbufo edifiak ke udeme mbufo emi mma ŋkɔnɔ mbufo.

JOSHUA 13:15

Ndien Moses ɔnɔ esien nditɔ Reuben udeme ke ubon, ke ubon.

DEUTERONOMY 29:8

ndien nnyin ida isɔŋ mmɔ inɔ mme Reubenite, ye mme Gadite, ye ibio esien Manasseh ke udeme.

DEUTERONOMY 12:9

Koro mbufo mika-isimke kaŋa ke itie nduɔk-odudu, ye ke udeme emi Jehovah Abasi mbufo ɔnɔde mbufo.

MME HEBREW 4:8

Koro edieke Joshua ɔkɔnɔde mmɔ nduɔk-odudu, Abasi ikpetiŋke aba ibaŋa usen efen.

EXODUS 33:14

Ndien Enye ete, Iso mi eyeka, nyenyuŋ nnɔ fi nduɔk-odudu.

JOSHUA 1:15

tutu Jehovah ɔnɔ nditɔ-ete mbufo itie iduŋ, nte mbufo, mmɔ enyuŋ eda isɔŋ emi Jehovah Abasi mbufo ɔnɔde mmɔ: ndien mbufo efiak ke isɔŋ emi mbufo ekedade, enyuŋ enyene enye, emi Moses owo Jehovah ɔkɔnɔde mbufo ke edem Jordan oko, ke edem usiaha-utin.

JOSHUA 22:3

mbufo ikɔkpɔŋke nditɔ-ete mbufo anyan ini emi tutu osim mfin emi, edi ema etim enim se Jehovah Abasi mbufo okowukde.

JOSHUA 12:6

Moses owo Jehovah, ye nditɔ Israel esuan mmɔ oro: ndien Moses owo Jehovah ada enye ɔnɔ mme Reubenite, ye mme Gadite, ye ibio esien Manasseh, ete eda enyene.

1 CHRONICLES 22:18

Nte Jehovah Abasi mbufo iduhe ye mbufo? nte enye ikɔnɔŋɔ mbufo nduɔk-odudu ikan ikuk? koro enye ama ada mme andiduŋ isɔŋ esin mi ke ubɔk; isɔŋ onyuŋ osuk ibuot ke iso Jehovah, ye ke iso ikɔt esie.