JOSHUA 22:27 - Edisana ñwed Abasi Ibom

²⁷ edi enye edi ntiense ke ufɔt nnyin ye mbufo, ye ke ufɔt mme emana nnyin emi editienede nnyin edem, man nnyin inam utom Jehovah ke iso esie, ke edifɔp uwa nnyin, ye ke mme uwa nnyin efen, ye ke mme uwa emen nnyin; man nditɔ mbufo ekudɔhɔ nditɔ nnyin, ke ini iso, ete, Mbufo inyeneke udeme ke Jehovah.

JOSHUA 22:27 Referans Kwoze

JOSHUA 24:27

Ndien Joshua ɔdɔhɔ kpukpru owo, ete, Sese itiat emi eyedi ntiense ke otu nnyin: koro enye omokop kpukpru ikɔ Jehovah, emi enye ɔkɔdɔhɔde nnyin: enye eyedi ntiense ke otu mbufo, mbak mbufo edikaŋ Abasi mbufo.

GENESIS 31:48

onyuŋ osio enye Galeed. Laban onyuŋ ɔdɔhɔ, ete, Ebok emi edi ntiense ke ufɔt mi ye afo mfin emi. Mmɔdo enyiŋ esie ekerede

JOSHUA 22:34

Ndien nditɔ Reuben ye nditɔ Gad esio itie-uwa oro enyiŋ, ete, Enye edi ntiense ke ufɔt nnyin, ete ke Jehovah edi Abasi.

DEUTERONOMY 12:11

ndien ama ekem, mbufo eda kpukpru se ntemede mbufo, kpa edifɔp uwa mbufo, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye kpukpru akaŋa eke mbufo emekde ndikaŋa nnɔ Jehovah, eka ke ebiet emi Jehovah Abasi fo edimekde ndinam enyiŋ esie oduŋ do:

1 SAMUEL 7:12

Ndien Samuel ada itiat owuk ke ufɔt Mizpah ye Shen, ndien osio enye enyiŋ Eben-ezer (itiat uŋwam), ete, Jehovah amanyaŋa nnyin tutu osim emi.

JOSHUA 22:10

Ndien adaŋemi mmɔ esimde edem Jordan, emi odude ke isɔŋ Canaan, nditɔ Reuben, ye nditɔ Gad, ye ubak esien Manasseh enam itie-uwa do ke mben Jordan, itie-uwa emi okponde ndise.

GENESIS 31:52

ufɔt mi ye afo; ebok emi edi ntiense, adaha emi onyuŋ edi ntiense ŋko, ete ami ndibehe ebok emi ntiene fi, afo udunyuŋ ubehe ebok emi ye adaha emi utiene mi,

JOSHUA 22:26

Mmɔdo nnyin ikɔdɔhɔde, ite, Nnyin ikam isin ubɔk inam itie-uwa emi inɔ idem nnyin, idige ke eke edifɔp uwa, inyuŋ idige ke eke uwa emem:

JOSHUA 22:28

Ndien nnyin ikɔdɔhɔ ite, Ama ekem, adaŋemi mmɔ edidɔhɔde (ntem) ye nnyin ye nditɔ nnyin, ke ini iso, nnyin iyebɔrɔ, ndien, ite, Mbufo ese mbiet itie-uwa Jehovah emi mme ete nnyin ekenamde, idige ke eke edifɔp uwa, inyuŋ idige ke eke uwa efen; edi enye edi ntiense ke ufɔt nnyin ye mbufo.

ŊWED MME PSALM 16:5

Jehovah edi udeme mi, ye cup mi: afo omum afia mi akama.

ISAIAH 19:19

Ke usen oro, itie-uwa eyeda ɔnɔ Jehovah ke ufɔt isɔŋ Egypt, adaha eyenyuŋ ada ɔnɔ Jehovah mme udim ke edem adaŋa esie.