JOSHUA 2:10 - Edisana ñwed Abasi Ibom

¹⁰ Koro nnyin imekop nte Jehovah akanamde mmɔŋ Ididuot Inyaŋ asat ke iso mbufo, ke ini mbufo eketode ke Egypt ewɔŋɔ; ye nte mbufo ekenyuŋ enamde ndidem mme Amorite mbiba, emi ekedude ke edem Jordan oko, Sihon ye Og, emi mbufo ekesobode.

JOSHUA 2:10 Referans Kwoze

DEUTERONOMY 2:30

Ndien Sihon ɔbɔŋ Heshbon ikonyimeke ndiyak nnyin isaŋa ibe enye: koro Jehovah Abasi fo ɔkɔsɔŋde enye ibuot, onyuŋ anamde esit esie edi itun, ete ida enye isin fi ke ubɔk, kpa nte edide mfin emi.

NUMBERS 23:22

Abasi okosio mmɔ ke Egypt; enye enyene odudu nte editim.

JOSHUA 4:24

Kpaŋ kpukpru mme idut ke ererimbot ekpefiɔk ubɔk Jehovah, nte enye ɔsɔŋɔde: kpaŋ mbufo ekpeteŋe Jehovah Abasi mbufo kpukpru ini.

NUMBERS 20:14

Ekem Moses etie ke Kadesh ɔdɔŋ mme isuŋ-utom ke ɔtɔ ɔbɔŋ Edom, ete, Ntem ke Israel eyen usɔ ɔdɔhɔ, ete, Afo ɔmɔfiɔk kpukpru ukut emi nnyin ikokutde:

NUMBERS 24:8

Abasi okosio enye ke Egypt; enye enyene odudu nte editim. Enye eyedia mme idut mme asua esie, onyuŋ anuak mme ɔkpɔ mmɔ, onyuŋ etiga mmɔ ke idaŋ esie.

JOSHUA 5:1

EDIKEM, adaŋemi kpukpru mbɔŋ mme Amorite, emi edude ke edem usop-utin Jordan, ye kpukpru mbɔŋ mme Canaanite, emi edude ke mben inyaŋ, ekopde nte Jehovah akanamde mmɔŋ Jordan asat ke iso nditɔ Israel, tutu nnyin ibe, ndien nsia oyomo mmɔ, uko onyuŋ okure mmɔ ke idem, abaŋa nditɔ Israel.

ŊWED MME PSALM 74:15

Amabahare idim ye akamba mmɔŋ: anam mme nsinsi akpa esat.

JOSHUA 9:10

ye kpukpru se enye akanamde mbɔŋ mme Amorite mbiba oro ekedude ke edem Jordan oko, kpa Sihon ɔbɔŋ Heshbon, ye Og ɔbɔŋ Bashan, emi okodude ke Ashtaroth.

JOSHUA 24:12

Ŋkonyuŋ ndɔŋ atat nte ebem mbufo iso, ndien enye ebin mmɔ ke iso mbufo efep, kpa mbɔŋ mme Amorite mbiba; idige ke ofut fo, inyuŋ idige ke utiga fo.