JOSHUA 2:1 - Edisana ñwed Abasi Ibom

¹ NDIEN Joshua eyen Nun etie ke Shittim ɔdɔŋ owo iba uyep ndibe-ndibe, ete, Mbufo eka ekese isɔŋ oro ye Jericho. Ndien mmɔ eka ekeduk ke ufɔk akpara kiet ekere Rahab, ekedaŋ do.

JOSHUA 2:1 Referans Kwoze

MME HEBREW 11:31

Oto mbuɔtidem Rahab, ŋwan akpara oro, etre nditiene mmɔ oro edide mbon ntut-utɔŋ mbuana ke nsobo, sia enye akadade mbon-uyep esin ke ufɔk ke emem.

JAMES 2:25

Kpa ntre ŋko, nte ikabatke ite, ikpe etebe Rahab, akpara aŋwan oro, oto ke erinam ŋkpɔ, ke ini enye adade mme isuŋutom esin ke ufɔk, onyuŋ anamde mmɔ esaŋa ke usuŋ eŋwen enyɔŋɔ?

MATTHEW 1:5

Nahshon obon Salmon. Salmon obon Boaz emi Rahab amande;

NUMBERS 25:1

NDIEN Israel etie ke Shittim, ndien mmɔ etɔŋɔ ndise use ye nditɔ Moab iban.

ŊWED MBON EPHESUS 5:5

Koro mbufo emetim efiɔk emi, ete baba anam use kiet, mme anam mbubiam ido, mme esin esit ke ŋkpɔ owo, emi edide okpono ndem, inyeneke udeme ke Obio Ubɔŋ Christ ye Abasi.

MATTHEW 10:16

Sese, mmosio mbufo ndɔŋ nte mme erɔŋ ke ufɔt mme ekpe ikɔt; mmɔdo mbufo enyene ibuot nte urukikɔt, enyuŋ efure nte ibiom.

JOSHUA 3:1

EKEM Joshua abak edemere ke usenubɔk; ndien mmɔ edaŋa ke Shittim edi ke Jordan, enye ye kpukpru nditɔ Israel, ndien mmɔ edaŋ do ke mikaibehe kaŋa.

NUMBERS 13:2

mbufo esio owo kiet kiet ke kpukpru esien mme ete mmɔ edɔŋ, yak kpukpru edi ikpɔ owo ke otu mmɔ.

JUDGES 18:17

Ndien owo ition oro ekekade ndiyep isɔŋ, edɔk eduk do, ekeda edisɔi mbiet oro, ye ephod, ye teraphim, ye editara mbiet: ndien oku ada ke inua-otop ye owo ikie itiokiet oro ebɔbɔde mbɔbɔ ekɔŋ.

JUDGES 18:2

Ekem nditɔ Dan esio owo oruk mmɔ ition ke otu ofuri obio mmɔ, mbon uko, emi etode ke Zorah ye Eshtaol, edɔŋ mmɔ utom, ete eka ekeyep isɔŋ, enyuŋ etim ese enye: ndien edɔhɔ mmɔ, ete Mbufo eka eketim ese isɔŋ. Ndien mmɔ edi ke obot Ephraim, esim ufɔk Micah, ndien edaŋ do.

JOSHUA 5:10

Ndien nditɔ Israel ena ke Gilgal, enyuŋ enam passover ke ɔyɔhɔ usen duopenaŋ ke ɔfiɔŋ ke mbubreyo, ke una-isɔŋ Jericho.

NUMBERS 33:49

Ndien mmɔ edaŋa ke mben Jordan, etɔŋɔ ke Beth-jeshimoth tutu esim ke Abelshittim, ke una-isɔŋ Moab.

JOSHUA 21:31

Ye Helkath ye mben isɔŋ esie, ye Rehobye mben-isɔŋ esie obio inaŋ.

JUDGES 18:14

ekesim ufɔk Micah. Ndien owo ition oro ekekade ndiyep edem Laish, edɔhɔ nditɔ-ete mmɔ ete, Nte mbufo efiɔk ete ke ephod, ye teraphim, ye edisɔi mbiet, ye editara mbiet edu ke ufɔk emi? Mbufo ekere ndien se mbufo edinamde.

JOSHUA 1:18

Kpukpru owo eke edimiomde uyo fo, midinyuŋ ikopke ikɔ fo, ke kpukpru se afo editemede mmɔ, eyekpaŋa: edi kam sɔŋ ubɔk nyuŋ sɔŋ esit.

JOSHUA 2:2

Ndien etiŋ enɔ ɔbɔŋ Jericho, ete, Sese, ndusuk owo nditɔ Israel emedi mi mbubreyo emi, ndiyep isɔŋ.

MICAH 6:5

O ikɔt mi, mbɔk, mbufo eti se Balak edidem Moab okodiomide, ye se Balaam eyen Beor ɔkɔbɔrɔde enye, ɔtɔŋɔde ke Shittim tutu osim ke Gilgal: man mbufo efiɔk edinen ido Jehovah.

GENESIS 42:9

Ndien Joseph eti ndap oro enye akadabade abaŋa mmɔ, onyuŋ ɔdɔhɔ mmɔ ete, Mbufo edi mbon uyep; emedi ndise nte isɔŋ etiede iferi.

GENESIS 42:16

Edɔŋ owo mbufo kiet akada eyen-ete mbufo edi, ndien, eyekɔbi mbufo, eye-nyuŋ edomo ikɔ mbufo, mme akpanikɔ odu mbufo ke esit: midige ntre, ma uwem Pharaoh, ke akpan ke mbufo edi mbon uyep.

NUMBERS 13:1

EDIKEM Jehovah ɔdɔhɔ Moses, ete, Sio owo dɔŋ ekeyep isɔŋ Canaan, emi nnɔde nditɔ Isarel;

JUDGES 1:23

Ndien ufɔk Joseph edɔŋ ekeyep Bethel: ndien enyiŋ obio oro ekebem iso ekere Luz.