JOSHUA 18:28 - Edisana ñwed Abasi Ibom

²⁸ ye Taralah, ye Zelah, ye Eleph, ye Jebusite, enye edi Jerusalem, ye Gibeath, ye Kiriath; obio duopenaŋ ye mme obio iŋwaŋ mmɔ. Emi edi udeme nditɔ Benjamin nte mme ubon mmɔ esaŋade.

JOSHUA 18:28 Referans Kwoze

2 SAMUEL 21:14

Ndien mmɔ eda mme ɔkpɔ Saul ye mme ɔkpɔ Jonathan eyen esie, ebuk ke isɔŋ Benjamin ke Zelah, ke udi Kish ete esie: ntre ke mmɔ enam kpukpru se edidem okowukde. Ndien ke ini oro ebede, Abasi okop mkpeubɔk emi ekpede enɔ idut oro.

JOSHUA 15:8

Ndien adaŋa oro asaŋa ke itihere eyen Hinnom ada ɔdɔk ke edem usuk-usuk mme Jebussite; oro edi Jerusalem: ndien adaŋa ɔdɔk ke ibuot obot emi asakde iso ese itihere Hinnom, ke edem usop-utin, emi adade ke utit itihere mme Rephaim edere-edere.

HOSEA 10:9

O Israel, afo emedue toto ke ini Gibeah: mmɔ esuk ededa do: ekɔŋ oro ekeŋwanade ke Gibeah ye nditɔ mme ukwaŋ-ŋkpɔ ikesimke mmɔ.

ISAIAH 10:29

mmɔ emebe mkpa-faha usuŋ: edaŋ ke okoneyo ke Geba; Ramah enyek idem; Gibeah Saul efeŋe.

2 SAMUEL 5:8

David onyuŋ ɔdɔhɔ ke usen oro, ete, Yak kpukpru owo eke ewotde mme Jebusite, eda mmɔ ŋko eduɔk ke udiɔŋ mmɔŋ, ye mme mbuŋɔ ye nnan emi esit David asuade. Mmɔdo edɔhɔde ete, Mbuŋɔ ye nnan ididukke ke ufɔk.

1 SAMUEL 10:26

Ndien Saul onyuŋ ɔnyɔŋ ke ufɔk esie ke Gibeah; udim owo eke Abasi ekedemerede mmɔ esit, enyuŋ etiene enye eka.

JOSHUA 18:16

ndien adaŋa ɔsuhɔre ke utit obot emi asakde iso ese itihere eyen Hinnom, emi odude ke itihere mme Rephiam ke edem edere-edere, ndien ɔsuhɔre ke itihere Hinnom ke edem usuk mme Jebusite, ndien ɔsuhɔre aka Enrogel.

JOSHUA 15:63

Ama edi mme Jebusite emi eduŋde ke Jerusalem, nditɔ Judah ikwe nte ebinde mmɔ efep: edi mme Jebusite eduŋ ye nditɔ Judah ke Jerusalem tutu osim mfin emi.

NUMBERS 33:54

Ndien mbufo eda afia edeme isɔŋ oro, nte ubon mbufo edide: eda akamba udeme enɔ mmɔ eke ewakde, enyuŋ eda ekpri udeme enɔ mmɔ eke miwakke: eke kpukpru owo edidi ke ɔtɔ eke afia otopde ɔnɔ owo: mbufo eda udeme nte mme esien mme ete mbufo edide.

NUMBERS 26:54

Nam udeme mme mmɔ emi ewakde okpon, nyuŋ nam udeme mme mmɔ emi ekpride ekpri: yak enɔ kpukpru owo udeme mmɔ ekem ye owo mmɔ emi ekebatde.

NUMBERS 26:38

Nditɔ Benjamin ke ubon, ke ubon: eke Bela, ubon nditɔ Bela: eke Ashbel, ubon nditɔ Ashbel: eke Ahiram, ubon nditɔ Ahiram:

JOSHUA 18:27

ye Mozab, ye Rekem, ye Irpeel,

JOSHUA 19:1

NDIEN udiana-akpa afia ɔwɔrɔ ɔnɔ Simeon, kpa esien nditɔ Simeon, ke ubon, ke ubon: ndien udeme mmɔ odu ke ufɔt udeme nditɔ Judah.

2 SAMUEL 5:6

Ekem edidem ye ikɔt esie eka Jerusalem, ete iŋwana ekɔŋ ye mme Jebusite, mme andiduŋ isɔŋ oro: ndien mmɔ edɔhɔ David, ete, Afo ududukke mi, edi mme nnan ye mme mbuŋɔ eyekpan fi: ete ke, David ididukke mi.

2 SAMUEL 23:29

Netophathite kiet, Ittai eyen Ribai emi okotode ke Gibeah nditɔ Benjamin;

JEREMIAH 6:1

MBUFO nditɔ Benjamin ewɔŋɔ ke ufɔt Jerusalem efeŋe, enyuŋ efuri ukorowo ke Tekoa, enyuŋ emenere ŋkpɔ idiɔŋɔ ke enyɔŋ ke Beth-haccherem: koro idiɔk-ŋkpɔ ye akwa ŋwure etiede ke edem edere ese.

JUDGES 1:21

Edi nditɔ Benjamin ibinke mme Jebusite emi eduŋde ke Jerusalem, ifep; edi mme Jebusite eduŋ ke otu nditɔ Benjamin ke Jerusalem tutu osim mfin emi.

JUDGES 19:10

Edi owo oro inyimeke ndidaŋ; ndien enye adaha ke enyɔŋ asaŋa aka tutu edikem ye Jebus, emi edide Jerusalem: ndien ass iba oro edoride ŋkpɔ-itie edu ye enye, ŋwan esie onyuŋ asaŋa ye enye.

1 CHRONICLES 8:28

Mme mmɔ emi edi mme etubom mme ete ke emana mmɔ, akpan owo: mme mmɔ emi eduŋ ke Jerusalem.