JOSHUA 14:11 - Edisana ñwed Abasi Ibom

¹¹ Idem ke osuk ɔsɔsɔŋ mi mfin emi kpa nte usen oro Moses ɔkɔdɔŋde mi utom: kpa nte odudu mi ekedide ke ini oro, ntre ke onyuŋ edi ke emi, ndiŋwana ekɔŋ, nnyuŋ ŋwɔrɔ, nnyuŋ nduk.

JOSHUA 14:11 Referans Kwoze

DEUTERONOMY 34:7

Ndien Moses osim isua ikie ye edip ke ini enye akpade: enyin ikimke enye odudu esie inyuŋ imemke.

ŊWED MME PSALM 103:5

emi adade eti ŋkpɔ ɔyuhɔ uyai fo; onyuŋ ɔdiɔŋ uyen fo nte ntrukpom.

DEUTERONOMY 31:2

Ndien enye ɔdɔhɔ mmɔ, ete, Ami mmosim isua ikie ye edip mfin emi; ŋkemeke aba ndiwɔrɔ nnyuŋ nduk: Jehovah omonyuŋ ɔdɔhɔ mi, ete, Afo udubehe Jordan emi.

ŊWED MME PSALM 90:10

Isua ata ye duop edu ke eyo uwem nnyin, ye isua anaŋ, edieke nsɔŋidem odude; ndien iseri mmɔ edi ɔkpɔsɔŋ utom ye ukut: koro enye (isua) awarade ndibe, ndien nnyin idaŋa.

JOSHUA 14:10

Ndien, sese, Jehovah omonim mi uwem, kpa nte enye ɔkɔdɔhɔde, ke ofuri isua aba ye ition emi, ɔtɔŋɔde ke ini oro Jehovah eketiŋde ikɔ emi ɔnɔ Moses, emi nditɔ Israel esaŋade ke wilderness: ndien, sese, ami nsim isua anaŋ ye ition mfin emi.

DEUTERONOMY 33:25

Ikpa-ukot fo edi ukwak ye okpoho; yak nduɔk-odudu fo onyuŋ ebigi nte mme usen fo.

ISAIAH 40:31

edi mmɔ eke eberede ye Jehovah eyekop obufa nsɔŋidem; eyedɔk ke mba nte ntrukpom; eyefeŋe, ndien idikpɔtke; eyesaŋa, edi idikpaha mba.