JOSHUA 11:23 - Edisana ñwed Abasi Ibom

²³ Ntem ke Joshua ada ofuri edem oro, ekem ke kpukpru se Jehovah ɔkɔdɔhɔde Moses; ndien Joshua ada enye ɔnɔ Israel ke udeme, nte mbak mmɔ ye esien mmɔ edide: ndien isɔŋ ɔduɔk odudu ekɔŋ.

JOSHUA 11:23 Referans Kwoze

ŊWED MME PSALM 46:9

Enye anam ekɔŋ etre tutu osim ke utit ekondo; eyebuŋ utiga, onyuŋ osibe eduat: eyenyuŋ ɔfɔp mme chariot ke ikaŋ.

JOSHUA 23:1

EDIKEM ke ediwak usen ema ekebe nte Jehovah ɔkɔnɔ Israel nduɔk-odudu ebɔhɔ kpukpru mme asua mmɔ emi ekande mmɔ ekuk, Joshua ama okonyuŋ akabare edi akani-eren, onyuŋ ɔsɔŋ eti-eti.

JOSHUA 22:4

Ndien ke emi Jehovah Abasi mbufo ɔmɔnɔ nditɔ-ete mbufo nduɔk-odudu, kpa nte enye ɔkɔdɔhɔde mmɔ: mbufo enyɔŋɔ, ndien, eka ke mme tent mbufo, ke isɔŋ emi mbufo edade, emi Moses owo Jehovah ɔkɔnɔde mbufo ke edem Jordan oko.

JOSHUA 18:10

Ndien Joshua esin afia ɔnɔ mmɔ ke Shiloh ke iso Jehovah: Joshua onyuŋ edeme isɔŋ do ɔnɔ nditɔ Israel ke ubak, ke ubak.

JOSHUA 11:18

Joshua aŋwana ekɔŋ ye kpukpru mbɔŋ oro ediwak usen.

DEUTERONOMY 25:19

Ama ekem, ndien, ke ini Jehovah Abasi fo edinamde fi ɔbɔhɔ kpukpru mme asua fo emi ekande ekuk, ɔnɔ fi nduɔk-odudu, ke isɔŋ emi Jehovah Abasi fo ɔnɔde fi ke udeme, ete ada enye enyene, sɔhi Amalek fep ke idak ikpa-enyɔŋ, man ekuti aba enye; kufre.

DEUTERONOMY 1:38

ama edi Joshua eyen Nun, emi adade ke iso fo, enye eyeduk do: sɔŋɔ enye esit: koro edi enye edideme enye ɔnɔ Israel.

EXODUS 34:11

Tim kpeme se ami mmɔŋ nteme fi mfin emi: sese, mmɔŋ mbin mme Amorite, ye mme Canaanite, ye mme Hittite, ye mme Perizzite, ye mme Hivite, ye mme Jebusite, ke iso fo mfep.

NEHEMIAH 9:24

Ntre ke nditɔ mmɔ eduk ekeda isɔŋ emi, afo onyuŋ ɔsuhɔre mme andiduŋ isɔŋ, kpa mme Canaanite, ke iso mmɔ, onyuŋ ada mmɔ esin mmɔ ke ubɔk, ye ndidem mmɔ, ye mbio isɔŋ, ete enam mmɔ kpa nte emade.

EZEKIEL 45:8

Se enye edidade ke Israel eyena ɔnɔ enye ke isɔŋ emi: ndien mbɔŋ mi ekutuk aba ikɔt mi. Yak mmɔ enyuŋ eda isɔŋ enɔ ufɔk Israel nte mme esien mmɔ esaŋade.

JOSHUA 12:7

Mme mmɔ emi ŋko edi mbɔŋ edem oro Joshua ye nditɔ Israel esuande ke edem Jordan emi ke edem usop-utin, ɔtɔŋɔde ke Baalgad ke itihere Lebanon, tutu osim obot Halak (Ibɔ) emi ɔdɔkde aka Seir; ndien Joshua ada enye ɔnɔ mme esien Israel, ete mmɔ eda enyene, nte mbak mmɔ edide;