JOSHUA 11:15 - Edisana ñwed Abasi Ibom

¹⁵ Kpa nte Jehovah eketemede Moses owo esie, ntre ke Moses onyuŋ eteme Joshua, kpa ntre ŋko ke Joshua onyuŋ anam; enye ikpɔŋke baba ŋkpɔ kiet ke kpukpru se Jehovah eketemede Moses.

JOSHUA 11:15 Referans Kwoze

JOSHUA 1:7

Edi sɔŋ ubɔk, nyuŋ sɔŋ esit eti-eti, ndikpeme nnyuŋ nnam kpukpru mbet emi Moses owo mi eketemede fi: kuwɔŋɔre ukpɔŋ enye uka nnasia mme ufien, man otim anam kpukpru ŋkpɔ eke afo edikade.

UTOM MME APOSTLE 20:20

Mbufo emefiɔk ete ŋkefeheke ndisian mbufo se ededi eke odorode mbufo ŋkpɔ, mma nnyuŋ ŋkpep mbufo ŋkpɔ aŋwa-aŋwa,

DEUTERONOMY 7:2

ndien adaŋemi Jehovah Abasi fo edidade mmɔ onim ke iso fo; afo onyuŋ akan mmɔ, kutre ndisobo mmɔ; kunam ediomi ye mmɔ, kunyuŋ utua mmɔ mbɔm:

2 CHRONICLES 30:12

Ubɔk Abasi onyuŋ odu ke Judah ŋko ke ndinɔ mmɔ esit kiet, man enam ke ewuhɔ edidem, ye eke mbɔŋ, ke uyo Jehovah.

DEUTERONOMY 31:7

Ndien Moses okot Joshua, onyuŋ ɔdɔhɔ enye ke iso ofuri Israel, ete, Sɔŋɔ idem, nyuŋ nyene esit: koro afo edisaŋade ye mbon emi aka isɔŋ emi Jehovah ɔkɔŋwɔŋɔde ɔnɔ mme ete mmɔ ete iyenɔ mmɔ; afo eyenyuŋ edeme enye ɔnɔ mmɔ.

DEUTERONOMY 12:32

Mbufo ekpeme ndinam kpukpru ikɔ emi ami ntemede mbufo: kudian ŋkpɔ ke esit, kunyuŋ usio ke esit ufep.

DEUTERONOMY 4:5

Sese, mma nteme mbufo mme ewuhɔ ye mme item, kpa nte Jehovah Abasi mi eketemede mi, man mbufo enam ntre ke isɔŋ emi mbufo eyomde ndika do ŋkada nnyene.

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

DEUTERONOMY 4:2

Ekuda ikɔ efen edian ke ikɔ emi ami ntemede mbufo, ekunyuŋ esio ke esit efep, man mbufo enim mbet Jehovah Abasi mbufo emi ami ntemede mbufo.

1 SAMUEL 15:11

Mmatua mkpɔfiɔk koro ŋkonimde Saul ke edidem: koro enye ama akabare ɔkpɔŋ mi, inyuŋ inamke uyo mi. Ndien Samuel ayat esit, onyuŋ eseme ɔnɔ Jehovah ke ofuri okoneyo.

JOSHUA 11:12

Ndien Joshua ada kpukpru obio mbɔŋ oro, ye kpukpru mbɔŋ mmɔ, onyuŋ owot mmɔ ke iso ofut, osobo mmɔ fap, kpa nte Moses owo Jehovah okowukde.

LUKE 11:42

Edi eyedɔdiɔk ɔnɔ mbufo mme Pharisee, koro mbufo esiode ubak ikɔŋ ye etidot ye kpukpru oruk ikɔŋ udia kiet ke itie duop enɔ Abasi, enyuŋ ekaŋade edinen ikpe ye ima Abasi: mbufo ekpanam ŋkpɔ emi, ikponyuŋ itreke ndinam mmɔ eken.

MATTHEW 23:23

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo esiode ubak ikɔŋ ye mfri ye mkpasip kiet ke itie duop enɔ Abasi, enyuŋ etrede ndinam ikpɔ ŋkpɔ ibet, ikpe, ye mbɔm, ye mbuɔtidem.

JOSHUA 11:14

Ndien nditɔ Israel ebume kpukpru mbume obio oro ye ufene, eda ke idem mmɔ; edi mmɔ ewot kpukpru owo ke iso ofut, tutu esobo mmɔ, isuhɔke baba ŋkpɔ kiet eke ɔduɔkde ibifik.

JOSHUA 11:16

Ntem ke Joshua ada ofuri edem oro, ye ikpɔ obot, ye ofuri edem usuk, ye ofuri isɔŋ Goshen, ye una-isɔŋ edem inyaŋ, ye itihere Jordan, ye ikpɔ obot Israel, ye isɔŋ edem inyaŋ esie;

NUMBERS 33:50

Ekem Jehovah ɔdɔhɔ Moses ke una-isɔŋ Moab, ke mben Jordan Jericho, ete,

NUMBERS 33:52

ndien mbufo ebin kpukpru mme andiduŋ isɔŋ ke iso mbufo efep, enyuŋ ebiat kpukpru owo itiat mmɔ, enyuŋ ebiat kpukpru editara mbiet mmɔ, enyuŋ ewuri kpukpru edikoŋ ebiet mmɔ.

DEUTERONOMY 31:3

Edi Jehovah Abasi fo eyebem fi iso ebe, enye eyesobo mme idut emi ke iso fo efep, ndien mbufo eyeda mmɔ enyene: Joshua eyenyuŋ ebem fi iso ebe, kpa nte Jehovah ɔkɔdɔhɔde.

DEUTERONOMY 31:5

Jehovah eyenyuŋ ada mmɔ onim ke iso mbufo, man mbufo enam mmɔ nte kpukpru mme ewuhɔ emi ŋwukde mbufo, esaŋade.