JOSHUA 10:11 - Edisana ñwed Abasi Ibom

¹¹ Edikem adaŋemi mmɔ efeŋede itɔk ke iso Israel, mmɔ edu ke usuhɔre Bethhoron, Jehovah etie ke enyɔŋ otop ikpɔ itiat ɔtɔ mmɔ tutu esim ke Azekah, ndien mmɔ ekpaŋa; mme andikpaŋa ke edim itiat ewak ekan mme mmɔ emi nditɔ Israel ewotde ke ofut.

JOSHUA 10:11 Referans Kwoze

ISAIAH 28:2

Sese, Ɔbɔŋ emenyene ŋkpɔ eke ɔsɔŋde sɔŋ, ebiet edim-itiat ye oyobio nsobo, ebiet ɔkpɔsɔŋ mmɔŋ edim eke ɔtɔde, enye ada ubɔk ɔduɔk enye ke isɔŋ.

JUDGES 5:20

Mmɔ etie ke enyɔŋ eŋwana ekɔŋ; mme ntantafiɔŋ ke ɔkpɔ-usuŋ mmɔ eŋwana ye Sisera.

ERIYARARE 16:21

Ikpɔ edim itiat, eke udop mmɔ edide pound aba ye duop aba ye duop, eto ke enyɔŋ edep eduɔŋɔ owo ke idem. Owo enyuŋ esuŋi Abasi ke ntak ufen edim-itiat oro; koro ufen edimitiat ɔsɔŋ eti-eti.

ERIYARARE 11:19

Ekem eberere temple Abasi emi odude ke heaven; enyuŋ ekut ekebe ediomi Esie ke temple Esie; ndien emireŋ-mireŋ, ye mme uyo, ye obuma, ye unyek-isɔŋ, ye ɔkpɔsɔŋ edim-itiat etibe.

EZEKIEL 13:11

Dɔhɔ mme mmɔ emi eyetde ndom, ete ke eyeduɔ: ata ɔkpɔsɔŋ edim eyedi; ndien mbufo, ikpɔ itiat edim eyeduɔŋɔ; ndien ofum oyobio eyesiak enye.

ISAIAH 30:30

Ndien Jehovah eyenam ekop ubom uyo esiemɔ, onyuŋ owut mmɔ iduɔ ubɔk esie, ke ifuresit ye ikpahesit ye edemikaŋ eke atade, ke oyobio, ye edim, ye edim itiat.

ŊWED MME PSALM 11:6

Enye eyenam afia edep anam mme idiɔk owo; ikaŋ, ye brimstone, ye edifiop ofum edi udeme cup mmɔ.

GENESIS 19:24

Ndien Jehovah anam brimstone ye ikaŋ oto Jehovah ke enyɔŋ edep ke Sodom ye Gomorrah:

ŊWED JOB 38:22

Nte afo ama oduk ke ebiet unim snow? Ama onyuŋ okut ebiet-unim edim-itiat,

DEUTERONOMY 20:4

koro edi Jehovah Abasi mbufo asaŋa ye mbufo, aka ndiŋwana ekɔŋ ye mme asua mbufo nnɔ mbufo, ete inyaŋa mbufo.

2 SAMUEL 18:8

Ekɔŋ oro onyuŋ ofuk ofuri iso isɔŋ: akai onyuŋ adia ediwak owo akan se ofut atade ke usen oro.

ŊWED JOB 38:23

Emi nnimde mbet ini ufen, mbet usen eŋwan ye ekɔŋ?

ŊWED MME PSALM 147:17

Emi ɔduɔkde edim itiat esie nte ŋkeŋe udia: anie ekeme ndida ke iso tuep esie?

ISAIAH 28:21

Koro Jehovah eyedaha ke enyɔŋ, kpa nte ke obot Perazim, eyenyuŋ akpahesit, kpa nte ke itihere Gibeon, man anam ŋkpɔ, utibe ŋkpɔ esie, onyuŋ anam utom, utibe utom esie.