JOSHUA 1:8 - Edisana ñwed Abasi Ibom

⁸ Kuyak ŋwed mbet emi ɔwɔrɔ ɔkpɔŋ inua fo; edi kere enye ke uwemeyo ye ke okoneyo, man afo ekpeme ndinam kpukpru se ewetde ke esit: koro ntem ke afo edikut unen ke usuŋ fo,

JOSHUA 1:8 Referans Kwoze

ŊWED MME PSALM 119:15

Edi item fo ke ndikere, nyenyuŋ ntiŋ enyin ke mme usuŋ fo.

ŊWED MME PSALM 19:14

Ndien ikɔ inua mi, ye ekikere esit mi eyenem fi esit, O Jehovah, akwa itiat mi, ye andifak mi.

ŊWED MBON COLOSSAE 3:16

Mbufo enyuŋ enyene esit ekɔm. Eyak ikɔ Christ odu ɔyɔhɔ-ɔyɔhɔ ke esit mbufo ke kpukpru eti ibuot; emen psalm ye hymn ye ikwɔ uwem spirit ekpep enyuŋ eteme kiet eken, ekwɔ itoro enɔ Abasi ye esit ekɔm.

MME ŊKE 3:1

EYEN mi, kufre mbet mi; edi yak esit fo ekpeme mme ewuhɔ mi:

DEUTERONOMY 29:9

Mbufo ekpeme, ndien, ikɔ ediomi emi, enyuŋ enam mmɔ, man ekut unen ke kpukpru se mbufo edinamde.

JOHN 14:21

Owo eke enyenede mbet Mi, onyuŋ onimde mmɔ, enye edi owo eke amade Mi: ndien owo eke amade Mi, Ete Mi eyema enye, Ami nyenyuŋ mma enye, nnyuŋ nyarare Idem Min ɔ enye.

LUKE 11:28

Edi Enye ete, Akam ɔfɔn akan ye mmɔ emi ekopde ikɔ Abasi, enyuŋ ekpemede ndinam.

MATTHEW 7:24

Mmɔdo kpukpru owo eke ekopde ikɔ Mi emi, enyuŋ enimde mmɔ, nyedomo enye ye enyene-ibuot owo emi ɔbɔpde ufɔk esie ke enyɔŋ akamba itiat:

ŊWED MME PSALM 119:11

Mmada ikɔ fo ndip ke esit mi, man ŋkudue fi.

ŊWED MME PSALM 119:97

Mmama ido fo didie! enye ke ntie ŋkere ofuri usen.

MATTHEW 7:21

Idige kpukpru owo emi ekotde Mi ete, Ɔbɔŋ, Ɔbɔŋ, ediduk ke Obio Ubɔŋ Heaven; edi owo eke anamde uyo Ete Mi emi odude ke Heaven.

JOHN 13:17

Edieke mbufo efiɔkde mme ŋkpɔ emi, ɔfɔfɔn ɔnɔ mbufo ke mbufo enamde mmɔ.

JOSHUA 1:7

Edi sɔŋ ubɔk, nyuŋ sɔŋ esit eti-eti, ndikpeme nnyuŋ nnam kpukpru mbet emi Moses owo mi eketemede fi: kuwɔŋɔre ukpɔŋ enye uka nnasia mme ufien, man otim anam kpukpru ŋkpɔ eke afo edikade.

DEUTERONOMY 30:14

Edi ikɔ emi emekpere fi eti-eti, ke inua fo, ye ke esit fo, man afo anam enye.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

ŊWED MME PSALM 119:99

Ndi ɔniɔŋ ŋkan kpukpru mmɔ emi etemede mi; koro uyo fo edide se ntiede ŋkere.

ISAIAH 59:21

Ndien Jehovah ɔdɔhɔ ete, Ama edi ami, emi edi ediomi mi ye mmɔ: spirit mi emi odorode fi ke idem, ye ikɔ mi emi nsinde fi ke inua, idikpɔŋke inua fo, ye inua nditɔ fo, ye inua nditɔ nditɔ fo, ke emi ye ke nsinsi: emi edi uyo Jehovah.

DEUTERONOMY 5:32

Mbufo etiŋ enyin ndien enam kpa nte emi Jehovah Abasi mbufo etemede mbufo: ekuwaha eka nnasia, ekunyuŋ eka ufien.

DEUTERONOMY 31:11

ke adaŋemi ofuri Israel edide ediwut Jehovah Abasi fo idem, ke ebiet emi enye edimekde, da mbet emi kot ke iso ofuri Israel sin mmɔ ke utɔŋ.

ŊWED MBON EPHESUS 4:29

Ekuyak ndek-ndek ikɔ ɔwɔrɔ mbufo ke inua, edi etiŋ se iŋwamde owo ndikɔri ke mfɔn, nte unana owo edide, man eda ufɔn enɔ mmɔ eke ekopde.

MATTHEW 12:35

Eti owo osioŋo nti ŋkpɔ ke nti ŋkpɔ eke enye okobonde; idiɔk owo ŋko osioŋo mme idiɔk ŋkpɔ ke mme idiɔk ŋkpɔ eke enye okobonde.

ŊWED MME PSALM 40:10

Ndipke eti ido fo ke ɔwɔŋ esit mi; mmetiŋ akpanikɔ fo ye ima fo: ndipke akwa esop ima fo ye akpanikɔ fo.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.

GENESIS 24:63

usuk. Ndien Isaac ɔwɔrɔ aka ke iŋwaŋ ndisaŋa ŋkere ke mfuŋ-mfuŋ mbubreyo, ndien enye emenere enyin esie okut, ndien, sese,

DEUTERONOMY 31:24

Edikem, ke adaŋemi Moses ekewetde ikɔ mbet emi esin ke ŋwed ama, tutu mmɔ ekure, Moses owuk mme Levite,

JOSHUA 8:34

Ndien ke ŋkpɔ oro ebede, enye okot kpukpru ikɔ mbet oro ye eke eridiɔŋ ye eke isuŋi, ekem ke kpukpru se ewetde ke ŋwed ibet.

DEUTERONOMY 5:1

NDIEN Moses okot ofuri Israel, onyuŋ ɔdɔhɔ mmɔ, ete, O Israel, kop mme ewuhɔ ye mme item emi ami ntiŋde nsin mbufo ke utɔŋ mfin emi, mbufo enyuŋ ekpep mmɔ, enyuŋ etiŋ enyin enam mmɔ.

DEUTERONOMY 29:8

ndien nnyin ida isɔŋ mmɔ inɔ mme Reubenite, ye mme Gadite, ye ibio esien Manasseh ke udeme.

2 CHRONICLES 26:5

Ndien enye etiene Abasi ke eyo Zechariah, emi ekenyenede ifiɔk ŋkukut Abasi: ndien adaŋa ini nte enye etienede Jehovah, Abasi ofori enye.