JONAH 4:9 - Edisana ñwed Abasi Ibom

⁹ Ndien Abasi ɔdɔhɔ Jonah, ete, Nte ɔfɔn fi ndiyat esit mbaŋa eto emi? Ndien enye ɔbɔrɔ ete, Ɔfɔn mi ndiyat esit tutu osim idem mkpa.

JONAH 4:9 Referans Kwoze

ŊWED JOB 18:4

Ke awai idem esie ke iyaresit esie. Nte edikpɔŋ ererimbot ebaŋa fi? Nte edidibere akwa itiat ke itie esie eduɔk?

ŊWED JOB 5:2

Ŋkɔm iyaresit owowot ndisime owo, ufup onyuŋ anam ɔkɔi akpa.

JUDGES 16:16

Edikem, koro ŋwan ɔkɔbɔde enye kpukpru usen ke ikɔ esie, onyuŋ eyirede enye, onyuŋ ayat enye esit, tutu enye oyom ndikpa;

ERIYARARE 9:6

Ke mme usen oro ke owo eyeyom mkpa edi idikwe; itɔŋ mkpa eyenyuŋ ɔdɔŋ mmɔ, edi mkpa eyefehe ɔkpɔŋ mmɔ.

2 ŊWED CORINTH 7:10

Koro mfuhɔ ido Abasi anam owo akabare esit osim erinyaŋa, eke owo mikemeke ndiseme;

MATTHEW 26:38

Ekem Enye ɔdɔhɔ mmɔ ete, Ukpɔŋ Mi ɔfuhɔ eti-eti ekpere ndikpa; mbufo etie mi, ekpeme ye Ami.

ŊWED JOB 36:18

Koro iyaresit odude, kpeme mbak enye ada ufen ebin fi efep: ndien kuyak akamba inyene ufak abiaŋa fi.

JONAH 4:1

NDIEN Jonah asua oro eti-eti, onyuŋ ayat esit. Ndien enye ekpe Jehovah ubɔk, onyuŋ ɔdɔhɔ, ete,

JONAH 4:8

Ndien ekem adaŋemi uti asiahade, Abasi onim edifiop ofum ikɔrabak; utin onyuŋ ɔfɔp Jonah ibuot, ndien enye akpa mba, onyuŋ oyom ndikpa mkpa: ndien ɔdɔhɔ, ete, Mkpa mi ɔfɔn akan uwem mi.

JONAH 4:10

Ndien Jehovah ɔdɔhɔ ete, Afo emenyene mbɔm abaŋa eto oro mukanamke utom ke esit, mukonyuŋ unamke enye ɔkɔri; emi okotibede ke okoneyo kiet.

1 NDIDEM 21:4

Ndien Ahab ɔnyɔŋ ke ufɔk esie ke mfuhɔ ye iyaresit, abaŋa ikɔ oro Naboth a Jezreel ɔkɔdɔhɔde enye: koro ɔkɔdɔhɔde, ete, Ndinɔŋɔ fi udeme mme ete mi. Ndien enye ɔsuhɔre ana ke bed esie, onyuŋ ɔwɔŋɔre iso esie, inyimeke ndidia ŋkpɔ.