JONAH 2:6 - Edisana ñwed Abasi Ibom

⁶ Nsuhɔre nsim oruŋ ikpɔ obot; isɔŋ ada eto usin-usuŋ esie abaha mi ke nsinsi: edi afo, O Jehovah Abasi mi eyesio uwem mi ke obube efep.

JONAH 2:6 Referans Kwoze

ŊWED MME PSALM 30:3

O Jehovah, afo ekemenere ukpɔŋ mi osio ke udi: osio mi ke otu mmɔ eke esuhɔrede ke obube, onim ke uwem.

ŊWED MME PSALM 16:10

Koro afo mudukpɔŋke ukpɔŋ mi ke obio ekpo; uduyakke owo ima fo okut mbiara.

ISAIAH 38:17

Sese, ata idot amakabare edi emem ye ami: ndien afo amama ukpɔŋ mi osio ke obube nditaha; koro afo ɔmɔduɔk kpukpru mme idiɔk ido mi ke edem fo.

HABAKKUK 3:10

Ikpɔ obot ekut fi, emiaŋa; akwa edim mmɔŋ asaŋa ebe: inyaŋ ibom osioro uyo esie, emenere ubɔk esie ke enyɔŋ.

HABAKKUK 3:6

Enye atuak ada, onyuŋ enyeŋe isɔŋ: ese, onyuŋ anam mme idut enyek idem; ndien ŋkani obot esuana mbak-mbak; nsinsi ŋkpri obot esuhɔre: nsinsi usuŋ edi esie.

ISAIAH 40:12

Anie odomo mmɔŋ ke eka-ubɔk esie, onyuŋ ada eka-ubɔk odomo enyɔŋ, onyuŋ akama ntan isɔŋ ke udomo-ŋkpɔ, onyuŋ odomo udop ikpɔ obot ke scales, ye ekpri obot ke balance?

ŊWED MME PSALM 143:7

O Jehovah, wawara yere mi: spirit akpa mi: kudip mi iso fo, mbak ndibiet mmɔ eke esuhɔrede ke obube.

ŊWED MME PSALM 104:8

Mmɔ edɔk ke ikpɔ obot; esuhɔre ke itihere, esim ebiet emi afo onimde ɔnɔ mmɔ.

ŊWED MME PSALM 104:6

Afo ada akwa mmɔŋ nte ɔfɔŋ-idem ofuk enye (isɔŋ): mmɔŋ ada okoŋ akan ikpɔ obot.

ŊWED MME PSALM 65:6

Emi adade nsɔŋ-idem esie ɔsɔŋ owuk ikpɔ obot; ke ɔbɔbɔ odudu:

ŊWED MME PSALM 55:23

Ndien afo, O Abasi, eyenam mmɔ esuhɔre ke obube mbiara: mbon afai ye eke abiaŋa ididuhe ibio uwem mmɔ; edi ami nyebuɔt idem mi ye afo.

ŊWED MME PSALM 30:9

nnyuŋ ŋkpe Jehovah ubɔk, nte, Nso udori odu ke iyip mi ke nsuhɔrede nduk ke udi? Nte ntan editoro fi? Nte enye editiŋ akpanikɔ fo?

ŊWED JOB 33:28

Enye afak ukpɔŋ mi, ete okube oduk ke udi, uwem mi onyuŋ okut uŋwana.”

ŊWED JOB 33:24

Ndien Enye atua enye mbɔm, onyuŋ ɔdɔhɔ ete, Fak enye mbak edisuhɔre ke udi: mmokut ŋkpɔ usio-isop.

DEUTERONOMY 32:22

Koro ikaŋ obuberede ke iyaresit mi, eyenyuŋ ɔfɔp tutu osim ke udem hell, onyuŋ ata isɔŋ ye mbuŋwum-ŋkpɔ esie, onyuŋ okim ikaŋ ke itie obot.

MATTHEW 16:18

Ami mmonyuŋ ndɔhɔ fi nte, Afo edi Peter, ndien nyebɔp ufɔk Mi ke enyɔŋ itiat emi, mme inua-etop Hades idinyuŋ ikanke enye.

ŊWED MME PSALM 18:5

Mme uruk udi ekan mi ekuk: mme afia mkpa ena mi ke iso.

ŊWED MME PSALM 116:3

Mme uruk mkpa ekekan mi ekuk; mme ubiak obio ekpo enyuŋ esim mi: ŋkut ukut ye nnanenyiŋ.

ISAIAH 38:10

Ami ŋkɔdɔhɔ ke ufɔt eyo uwem mi, ete, Nyeka ŋkoduk ke usuŋ obio ekpo: emebɔ mi isua mi emi esuhɔde.

EZEKIEL 26:20

ke ndidade fi nsuhɔre ye mmɔ eke esuhɔrede ke obube, ke ɔtɔ mbon eset, nyenyuŋ nnam fi oduŋ ke ata idak isɔŋ ke ebiet oro ekebiarade tutu ko; ye mmɔ eke esuhɔre ke obube, man owo okuduŋ fi ke esit; man ŋkunim fi ke ubɔŋ ke isɔŋ mme odu-uwem.

EZEKIEL 31:14

Man baba eto mmɔŋ kiet okumenere idem ke enyɔŋ abaŋa idaha mmɔ, ekunyuŋ esin nsom mmɔ ke ufɔt mbubit enyɔŋ; man baba mme ɔŋwɔŋ mmɔŋ kiet okudoro ke idem mmɔ abaŋa idaha mmɔ: koro edade kpukpru mmɔ eyak enɔ mkpa, esin ke idak isɔŋ, ke otu nditɔ owo, ye mmɔ eke esuhɔrede ke obube.

ŊWED MME PSALM 69:2

Mmɔbuhɔ ke okpuk, emi owo mikemeke ndida ke esit: mmoduk udem mmɔŋ, mme idim emenyuŋ efuk mi.