JONAH 2:2 - Edisana ñwed Abasi Ibom

² Ukut mi esin mi mfiori ŋkot Jehovah, ndien Enye eyere mi; ndu ke idibi udi nseme, ndien afo okop uyo mi.

JONAH 2:2 Referans Kwoze

ŊWED MME PSALM 120:1

AMI ŋkeseme nnɔ Jehovah ke nnanenyin mi, ndien enye eyere mi.

ŊWED MME PSALM 34:6

Eyen ukut emi ekeseme, ndien Jehovah okop, onyuŋ anyaŋa enye osio ke kpukpru nnanenyin esie.

ŊWED MME PSALM 86:13

Koro ima fo omokpon ye ami; afo omonyuŋ osio ukpɔŋ mi ke edituŋɔ hell.

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;

1 SAMUEL 30:6

ndien David etie ke ata itie ukut: koro kpukpru owo edɔhɔde ete itɔŋɔ enye ke itiat; koro esit ayatde kpukpru owo abaŋa nditɔ mmɔ iren ye iban: edi David ɔsɔŋɔ esit esie ke Jehovah Abasi esie.

MATTHEW 12:40

Koro nte Jonah okodude ke idibi akamba iyak uwemeyo ita ye okoneyo ita, ntre ke Eyen Owo eyedu ke esit isɔŋ uwemeyo ita ye okoneyo ita.

ŊWED MME PSALM 116:3

Mme uruk mkpa ekekan mi ekuk; mme ubiak obio ekpo enyuŋ esim mi: ŋkut ukut ye nnanenyiŋ.

ŊWED MME PSALM 22:24

Koro Enye misinke ukut owo ukut ke ndek, minyuŋ isuaha; minyuŋ idipke enye iso esie; edi okop, ke ini enye esemede ɔnɔ enye.

ŊWED MME PSALM 4:1

EDINEN Abasi mi, yere mi ke adaŋa emi nsemede ŋkot fi; afo ama ababare mi mbaba; tua mi mbɔm, nyuŋ kop mkpe-ubɔk mi.

LUKE 22:44

Ndien Enye oduk ke ɔkpɔsɔŋ eŋwan, onyuŋ ɔdɔdiɔŋ ɔsɔŋɔ ɔbɔŋ akam: ndien ibibiak Esie etie nte mme ntɔi iyip eke etɔide ke isɔŋ.

ISAIAH 14:9

Obio ekpo ke idak otime abaŋa fi, ɔbiɔŋɔre ke ini afo edide: enye edemere mbukpo ɔnɔ fi, kpa kpukpru ikpɔ owo ererimbot; anam kpukpru ndidem ererimbot edaha ke ebekpo mmɔ eda.

ŊWED MME PSALM 65:2

Afo emi okopde akam, kpukpru obukidem eyetiene fi.

ŊWED MME PSALM 61:2

Nyetie ke utit ererimbot mfiori ŋkot fi, ke ini esit mi ɔfuhɔde: da mi ka akwa itiat emi okoŋde akan mi.

ŊWED MME PSALM 16:10

Koro afo mudukpɔŋke ukpɔŋ mi ke obio ekpo; uduyakke owo ima fo okut mbiara.

UTOM MME APOSTLE 2:27

Koro Afo udukpɔŋke ukpɔŋ mi ke obio ekpo, Udunyuŋ uyakke Edisana Owo Fo okut mbiara.

1 SAMUEL 1:16

Kubat eyen fo aŋwan ke oburobut aŋwan: koro ke uwak ekikere mi ye mfuhɔ mi ke ŋketiŋ tutu osim emi.

ŊWED ESEME 3:55

Ntie ke edituŋɔ obube mfiori ŋkot enyiŋ fo, O Jehovah.

EZEKIEL 26:20

ke ndidade fi nsuhɔre ye mmɔ eke esuhɔrede ke obube, ke ɔtɔ mbon eset, nyenyuŋ nnam fi oduŋ ke ata idak isɔŋ ke ebiet oro ekebiarade tutu ko; ye mmɔ eke esuhɔre ke obube, man owo okuduŋ fi ke esit; man ŋkunim fi ke ubɔŋ ke isɔŋ mme odu-uwem.

EZEKIEL 31:14

Man baba eto mmɔŋ kiet okumenere idem ke enyɔŋ abaŋa idaha mmɔ, ekunyuŋ esin nsom mmɔ ke ufɔt mbubit enyɔŋ; man baba mme ɔŋwɔŋ mmɔŋ kiet okudoro ke idem mmɔ abaŋa idaha mmɔ: koro edade kpukpru mmɔ eyak enɔ mkpa, esin ke idak isɔŋ, ke otu nditɔ owo, ye mmɔ eke esuhɔrede ke obube.

2 CHRONICLES 33:12

Ndien ke nnanenyin esie, enye ekpe Jehovah Abasi esie ubɔk, onyuŋ osuk idem esie eti-eti ke iso Jehovah Abasi mme ete esie,

LUKE 11:10

Koro kpukpru owo eke ebeŋede ebɔde; owo eke oyomde okutde; edinyuŋ esiode usuŋ enɔ owo eke atuakde.