JONAH 1:9 - Edisana ñwed Abasi Ibom

⁹ Ndien enye ɔbɔrɔ mmɔ, ete, Ami ndi eyen Hebrew; ami nnyuŋ mbak Jehovah Abasi enyɔŋ, emi akanamde inyaŋ ye obot.

JONAH 1:9 Referans Kwoze

NEHEMIAH 9:6

Afo edi enye, O Jehovah, afo ikpɔŋ: edi afo akanam ikpa-enyɔŋ, ye ata enyɔŋ, ye kpukpru udim mmɔ, ye isɔŋ, ye kpukpru se idude ke esit, ye inyaŋ ye kpukpru se idude ke esit, afo onyuŋ onim kpukpru mmɔ uwem; udim enyɔŋ enyuŋ etuak ibuot enɔ fi.

ŊWED MME PSALM 136:26

Oh mbufo ekɔm Abasi enyɔŋ: koro ima esie odude ke nsinsi.

NEHEMIAH 1:4

Edikem ke ini ŋkopde ikɔ emi, nsuhɔre ntie, nnyuŋ ntua eyet, nnyuŋ nseme ndusuk usen, nnyuŋ ntre udia, nnyuŋ mbɔŋ akam ke iso Abasi enyɔŋ.

EZRA 1:2

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot, omonyuŋ eteme mi, ete ndiɔŋ ufɔk Jerusalem emi odude ke Judah nnɔ imɔ.

2 NDIDEM 17:28

Ekem owo mme oku kiet emi mmɔ eketaŋde ke Samaria efep, edi ediduŋ ke Beth-el, onyuŋ eteme mmɔ usuŋ nte ebakde Jehovah.

2 NDIDEM 17:25

Edikem ke eritɔŋɔ iduŋ mmɔ do mmɔ ibakke Jehovah, ndien Jehovah ɔdɔŋ lion utom ke otu mmɔ, eke ewotde ndusuk mmɔ.

GENESIS 14:13

Ekem owo kiet emi ɔkɔbɔhɔde, edi editiŋ ɔnɔ Abram eyen Hebrew, ndien enye oduŋ ke ɔtɔwɔk eto Mamre, eyen mme Amorite, eyen eka Eshcol, ye eyen eka Aner; mmɔ oro enyuŋ ediana ye Abram ke ufan.

ERIYARARE 16:11

enyuŋ esuŋi Abasi heaven, ebaŋa ubiak ye oyo mmɔ; mmɔ inyuŋ ikabakere esit ikpɔŋ mme utom mmɔ.

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

ERIYARARE 11:13

Ke idem ini oro akwa unyek-isɔŋ otibe, ubak obio kiet ke itie duop onyuŋ ɔduɔ; thousand owo itiaba enyuŋ ekpaŋa ke unyek-isɔŋ oro. Ndien mmɔ eke esuhɔde ekabare edikhe eti-eti, enyuŋ eyak ubɔŋ enɔ Abasi heaven.

ŊWED MBON PHILIPPI 3:5

Ekenim mi mbobi ke ɔyɔhɔ usen itiaita, nto ke ubon Israel, ke esien Benjamin, ndi Hebrew eke mme Hebrew ebonde;

UTOM MME APOSTLE 27:23

Koro angel Abasi, emi ndide owo Esie, nnyuŋ nnamde ŋkpɔ nnɔ Enye, akada mi ke ŋkaŋ okoneyo mkpɔŋ, onyuŋ ɔdɔhɔ mi ete, Paul, kufehe ndik;

UTOM MME APOSTLE 14:15

Mbɔŋ owo, nso ke mbufo enam? Nnyin nde idi owo, ibiet mbufo ke uduot nnyin, inyuŋ ida eti etop isɔk mbufo, ite mbufo ekabare ekpɔŋ mme ikpikpu ŋkpɔ emi etiene Abasi uwem, emi akanamde enyɔŋ ye isɔŋ ye inyaŋ ye kpukpru se idude mmɔ ke esit.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

ŊWED JOB 1:9

Ndien Satan ɔbɔrɔ Jehovah, ete, Nte Job abak Abasi ke ikpikpu?

NEHEMIAH 2:4

Ndien edidem ɔdɔhɔ mi, ete, Nso ke afo oyom? Ndien ŋkpe Abasi enyɔŋ ubɔk.

EZRA 5:11

Ndien mmɔ ebɔrɔ nnyin ikɔ ntem, ete, Nnyin idi ikɔt Abasi enyɔŋ ye isɔŋ, inyuŋ ibɔp ufɔk emi ekebɔpde toto ko anyan ini, emi akwa edidem Israel kiet ɔkɔbɔpde, onyuŋ ama enye.

GENESIS 39:14

ke esien, ndien enye okot mbon ufɔk esie, onyuŋ ɔdɔhɔ mmɔ ete, Mbufo emekut nte enye adade Hebrew kiet ɔsɔk nnyiŋ man asak nnyin; enye editiene mi, ete ifiɔk mi, ndien mfiori ke ɔkpɔsɔŋ

EXODUS 1:15

Ndien edidem Egypt ɔdɔhɔ mme omum iban Hebrew uman; emi enyiŋ kiet ekerede Shiphrah, enyiŋ enye eken onyuŋ ekere Puah:

EXODUS 2:13

Enye onyuŋ ɔwɔrɔ edem usen, ndien, sese, Hebrew iba eŋwana eŋwan; ndien enye ɔdɔhɔ andidue, ete, Nsinam afo amiade eyen usɔ?

GENESIS 1:10

Ndien Abasi okot edisat isɔŋ ete, Obot; onyun okot mmɔŋ emi obohode, ete Inyaŋ: ndien Abasi okut ete efɔn.

GENESIS 24:7

Jehovah Abasi enyɔŋ, emi akadade mi ke ufɔk ete, ye ke idut emana mi efep, emi okonyuŋ ɔdɔhɔde mi onyuŋ ɔŋwɔŋɔde ɔnɔ mi, ete, Nyenɔ ubon fo idut emi; Enye eyedɔŋ angel esie ebem fi iso, ndien afo eyeda ŋwan ko ɔnɔ eyen mi.