JONAH 1:8 - Edisana ñwed Abasi Ibom

⁸ Ndien mmɔ edɔhɔ enye, ete, Mbɔk, wut nnyin se inamde idiɔk ŋkpɔ emi otibe ɔnɔ nnyin. Nsidi ubɔk utom fo? Afo onyuŋ oto mmɔŋ? Idut mbufo edi ewe? Afo onyuŋ oto ke obio ewe?

JONAH 1:8 Referans Kwoze

GENESIS 47:3

Ndien Pharaoh ɔdɔhɔ nditɔ-ete esie ete, Nsidi ubɔk utom mbufo? Ndien mmɔ ete Pharaoh, Nnyin ikɔt fo idi mme ɔbɔk-ufene, ye nnyin, ye mme ete nnyin nde.

1 SAMUEL 30:13

Ndien David obup enye, ete, Anie enyene fi? Afo onyuŋ oto mmɔŋ? Enye ɔdɔhɔ ete, Ami ndi eyen Egypt, ofin Amalekite kiet; ndien ete mi ɔkɔkpɔŋ mi, koro ŋkɔdɔŋɔde ke usen ita.

JOSHUA 7:19

Ndien Joshua ɔdɔhɔ Achan, ete, Mbɔk, eyen mi, kpono Jehovah Abasi Israel, nyuŋ toro enye; nyuŋ men se afo akanamde tiŋ nɔ mi, mbɔk, kudip mi.

JAMES 5:16

Mmɔdo eyarare idiɔk-ŋkpɔ mbufo enɔ kiet eken, enyuŋ ebɔŋ akam ebaŋa kiet eken, man ekɔk udɔŋɔ mbufo. Mkpe-ubɔk edinen owo enyene odudu eti-eti ndinam ŋkpɔ.

1 SAMUEL 14:43

Ndien Saul ɔdɔhɔ Jonathan, ete, Sian mi se afo akanamde. Ndien Jonathan asian enye, ete, Ŋkada iso eto emi odude mi ke ubɔk ntabi aran-ɔkwɔk esisit. Sese, ami mmɔŋ ŋkpa.