JONAH 1:17 - Edisana ñwed Abasi Ibom

¹⁷ Ndien Jehovah ama okonim akamba iyak kiet, ete, emen Jonah esin ke idibi. Ndien Jonah odu iyak oro ke idibi ke uwemeyo ita ye okoneyo ita.

JONAH 1:17 Referans Kwoze

MATTHEW 12:40

Koro nte Jonah okodude ke idibi akamba iyak uwemeyo ita ye okoneyo ita, ntre ke Eyen Owo eyedu ke esit isɔŋ uwemeyo ita ye okoneyo ita.

LUKE 11:30

Koro kpa nte Jonah ekedide idiɔŋɔ ɔnɔ mbon Nineveh, kpa ntre ke Eyen Owo edidi idiɔŋɔ ɔnɔ emana emi.

MATTHEW 16:4

Emana eke ediɔkde enyuŋ esaŋade esin efibe eyom idiɔŋɔ; ndien idinɔŋɔ mmɔ baba idiɔŋɔ kiet, ibɔhɔke idiɔŋɔ Jonah. Ekem Enye ɔkpɔŋ mmɔ adaha.

HABAKKUK 3:2

O Jehovah, mmokop mbuk fo; ndik anam mi: O Jehovah, demere enye utom fo ke ufɔt mme isua, nam efiɔk enye ke ufɔt mme isua; ke ini iyaresit, ti mbɔm.

JONAH 4:6

Ndien Jehovah Abasi onim eto kiet, onyuŋ anam enye ofuk Jonah, man anam mfut ke enyɔŋ ibuot esie, man anyaŋa enye ke idiɔk itie esie; ndien Jonah adara akamba idaresit abaŋa eto oro.

GENESIS 1:21

Ndien Abasi obot ikpɔ unam mmɔŋ, ye kpukpru unam eke edude uwem eke esaŋade, eke eyɔhɔde ke mmɔŋ, ke oruk mmɔ, ye kpukpru inuen mba ke oruk mmɔ: ndien Abasi okut ete efɔn.

JONAH 2:10

Ndien Jehovah ɔdɔhɔ iyak oro, ndien iyak ɔkpɔhi Jonah ɔduɔk ke obot.