JOHN 9:5 - Edisana ñwed Abasi Ibom

⁵ Adaŋa ini nte ndodu ke ererimbot, ndi uŋwana ererimbot.

JOHN 9:5 Referans Kwoze

JOHN 8:12

Ntre ke Jesus ɔtɔŋɔ ntak etiŋ ɔnɔ mmɔ, ete, Ami ndi uŋwana ererimbot; owo eke etienede Mi idisaŋake ke ekim, edi eyenyene uŋwana uwem.

JOHN 12:46

Mmedi nte uŋwana ke ererimbot, man owo ekededi eke ɔbuɔtde idem ye ami okusuk odu ke ekim.

UTOM MME APOSTLE 13:47

Koro Ɔbɔŋ eteme nnyin ntre ete, Mmonim Fi ke uŋwana mme idut, Man afo akpada erinyaŋa edi tutu osim ke utit ererimbot.

ŊWED MBON EPHESUS 5:14

koro sededi eke eyararede akabare edi uŋwana. Mmɔdo ɔdɔhɔde ete, Demere, afo emi edede idap, Nyuŋ set ke mkpa, Ndien Christ eyeyama ɔnɔ fi.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

ERIYARARE 21:23

Obio inyuŋ iyomke utin ye ɔfiɔŋ ndiyama nnɔ enye; koro ubɔŋ Abasi anamde enye aŋwaŋa, Eyen-erɔŋ onyuŋ edide utuenikaŋ esie.

MATTHEW 4:16

Mbio oro eketiede ke ekim Ekut akwa uŋwana, Ama edi mmɔ eketiede ke isɔŋ mfut mkpa, Uŋwana ayama ɔnɔ mmɔ.

UTOM MME APOSTLE 26:23

ntiŋ adaŋa nte Christ enyenede ndibiom ukut, ye nte Enye edibemde iso eset ke mkpa, onyuŋ ɔkwɔrɔ uŋwana ɔnɔ mbio-obio ye mme Gentile ŋko.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

LUKE 2:32

Ete, edi uŋwana eke ediyararede ŋkpɔ ɔnɔ mme Gentile, onyuŋ edi ubɔŋ ikɔt Fo Israel.

MATTHEW 5:14

Mbufo edi uŋwana ererimbot. Obio eke ebɔpde ke enyɔŋ obot ikemeke ndidibe.