JOHN 8:46 - Edisana ñwed Abasi Ibom

⁴⁶ Ewe owo ke otu mbufo ekeme ndiwut idiɔk-ŋkpɔ eke nnamde? Edieke ntiŋde akpanikɔ, nsinam mbufo minimke ikɔ Mi?

JOHN 8:46 Referans Kwoze

MME HEBREW 4:15

Koro nnyin minyeneke Akwa Oku eke mikemeke nditiene nnyin ŋkut mmem-idem nnyin; edi Akwa Oku emi okokutde idomo ke kpukpru nde kpa nte nnyin, edi minyeneke idiɔk-ŋkpɔ.

JOHN 14:30

Nditiŋke aba ŋkpɔ ŋkaha ye mbufo, koro ɔbɔŋ ererimbot emi ke edi, enye inyuŋ inyeneke baba ŋkpɔ kiet ke esit Mi:

JOHN 8:7

Edi ke ini mmɔ eyirede ebup Enye, Enye eneŋere etie, onyuŋ ɔdɔhɔ mmɔ ete, Yak owo ke otu mbufo emi ananade idiɔk-ŋkpɔ ebem iso emen itiat ɔtɔ enye.

MARK 11:31

Ndien mmɔ eneni ke otu idem mmɔ ete, Nnyin ima idɔhɔ ite, Oto heaven, Enye eyedɔhɔ ete, Nsinam mbufo mikonimke enye ke akpanikɔ ndien?

MATTHEW 21:25

Baptism John okoto mmɔŋ? me oto heaven, me oto owo? Edi mmɔ eneni ke otu idem mmɔ, ete, Nnyin ima idɔhɔ ite, Oto heaven, Enye eyedɔhɔ nnyin ete, Nsinam mbufo mikonimke enye ke akpanikɔ ndien?

1 PETER 2:22

Enye ikanamke idiɔk-ŋkpɔ, akanam inyuŋ ikwe Enye abiaŋa ke inua.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

JOHN 16:8

Ndien ke ini Enye edidide, Enye eyemen ifiɔk abaŋa idiɔk-ŋkpɔ, ye edinen ido, ye ikpe, otuk ererimbot esit;

JOHN 15:10

Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

JOHN 8:47

Enye eke edide owo Abasi okop ikɔ Abasi; sia mbufo midige ikɔt Abasi, emi esin mbufo ekukop.