JOHN 8:34 - Edisana ñwed Abasi Ibom

³⁴ Jesus ɔbɔrɔ mmɔ ete, Ke akpanikɔ ke ndɔhɔ mbufo, kpukpru owo eke anamde idiɔk-ŋkpɔ edi ofin idiɔk-ŋkpɔ.

JOHN 8:34 Referans Kwoze

ŊWED MBON ROME 6:16

Ŋwaŋa nsa O! Nte mbufo ifiɔkke ite mme imɔ idi ifin inɔ ŋkpɔ ekededi eke mme imɔ iyakde ekededi eke mme imɔ iyakde idem inɔ ndisuk ibuot nnɔ enye, ye enye edide idiɔk-ŋkpɔ eke ɔsuŋɔde ke mkpa, ye enye edide nsuk-ibout eke ɔsuŋɔde ke edinen ido.

2 PETER 2:19

Mmɔ eŋwɔŋɔ enɔ mmɔ ete iyenam mmɔ ebɔhɔ ufin, kpa ke ini mmɔ ke idem mmɔ edukde ufin enɔ nsobo; koro owo odukde ufin ɔnɔ ŋkpɔ ekededi eke akande enye.

MME ŊKE 5:22

Oburobut ido idiɔk owo eyemum enye, uruk idiɔk-ŋkpɔ esiemɔ eyenyuŋ ɔsɔŋɔ esike enye.

ŊWED MBON ROME 6:12

Mmɔdo ekuyak idiɔk-ŋkpɔ ada ubɔŋ ke ikpɔhidem mbufo emi edikpade, esin mbufo esuk ibuot enɔ enye ke mme idiɔk udɔŋ esie:

ŊWED MBON ROME 6:6

sia imɔfiɔk emi ite, ema ewot akani owo emi nnyin ikedide ke cross ye Enye, man ebiat ikpɔhidem idiɔk-ŋkpɔ, man nnyin ikudi aba ifin idiɔk-ŋkpɔ;

TITUS 3:3

Koro nnyin ke idem nnyin ima inana ibuot tutuko, ima itut-utɔŋ, inyuŋ idue; iduk ufin inɔ nsio-nsio idiɔk udɔŋ ye mbre; ima idu uwem inam ibak, inyuŋ ifibeufup; nnyin ikedi se owo esuade, nnyin ikonyuŋ isua kiet eken.

ŊWED MBON EPHESUS 2:2

emi mbufo esaŋade ke esit ke ini oko, nte ido eyo eke ererimbot emi edide, ekenyuŋ esuk ibuot enɔ ɔbɔŋ emi akarade edem ikpa-enyɔŋ, kpa spirit emi anamde utom kemi ke esit nditɔ ntut-utɔŋ.

ŊWED MBON ROME 7:25

Mmɔkɔm Abasi ke Jesus Christ Ɔbɔŋ nnyin. Ntem ke idem mi nduk ufin nnɔ ibet Abasi ke ekikere mi; edi ke obukidem mi nduk ufin nnɔ ibet idiɔk-ŋkpɔ.

1 NDIDEM 21:25

Edi oruk owo nte Ahab ikoduhe, emi akanyamde idem esie ndinam idiɔk ke iso Jehovah, emi Jezebel ŋwan esie esinde nsɔk.

ŊWED MBON ROME 8:21

ete ke eyenyaŋa ekondo ke idemesie nde esio ke itie ufin mbiara, esin ke itie eyenisɔŋ emi enyenede ubɔŋ eke nditɔ Abasi.

ŊWED MBON ROME 7:14

Koro imɔfiɔk ite ibet edi eke spirit; edi ami ndu ke obukidem, nsine ke idak idiɔk-ŋkpɔ.

UTOM MME APOSTLE 8:23

Koro ŋkut nte afo etie ke ata ndot-ndot itie ye ke uruk ukwaŋkpɔ.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

MATTHEW 5:18

Koro ke akpanikɔ ke ndɔhɔ mbufo, Tutu enyɔŋ ye isɔŋ ebe efep, baba ntɔi kiet mme ekpri ŋkpɔ kiet idibehe ifep ke ibet, tutu kpukpru ŋkpɔ esu.