JOHN 8:15 - Edisana ñwed Abasi Ibom

¹⁵ Mbufo ebiere ŋkpɔ ke ido obukidem; Ami mbiereke ikpe baba owo kiet.

JOHN 8:15 Referans Kwoze

1 SAMUEL 16:7

Edi Jehovah ɔdɔhɔ Samuel, ete, Kuse enye iso, kunyuŋ use nte enye okoŋde idaha; koro mmesin enye: koro (mmensehe) nte owo esede; koro owo esede enyin, edi Jehovah ese esit.

JOHN 12:47

Ndien edieke owo ekededi okopde mme ikɔ Mi, onyuŋ etrede ndimum mmɔ ŋkama, ami mbiereke ikpe nnɔ enye: koro ŋkedige ndibiere ikpe nnɔ ererimbot, edi ŋkedi ndinyaŋa ererimbot.

JOHN 7:24

Ekukpe ikpe nte etiede owo ke enyin, edi ekpe edinen ikpe.

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

JOHN 18:36

Jesus ɔbɔrɔ ete, Obio Ubɔŋ Mi idige eke ererimbot emi: edieke Obio Ubɔŋ Mi ekpedide eke ererimbot emi, ikɔt Mi ekpe-ŋwana eŋwan, mbak ediyak Mi esin mme Jew ke ubɔk: edi Obio Ubɔŋ Mi itoho do.

1 ŊWED CORINTH 2:15

Edi owo eke enyenede spirit odomo kpukpru ŋkpɔ ɔfiɔk, edi owo idomoke enye.

ŊWED MBON ROME 2:1

MMƆDO, O owo ekededi eke ekpede ikpe ɔnɔ owo, afo unyeneke se etiŋde anyaŋa idem; koro ke erikpe emi ekpede owo efen oro ke obobiom idem fo; koro afo emi ekpede ikpe anamde kpa ŋkpɔ oro.

JOHN 8:11

Enye ete, baba owo kiet, Ɔbɔŋ. Jesus ɔdɔhɔ enye ndien ete, Ami nnyuŋ ntipke fi ikpe; nyɔŋ okuo; kunam aba idiɔk-ŋkpɔ.

AMOS 5:7

Mbufo emi ekabarede ikpe edi etidot, enyuŋ emen se inende eduɔk ke isɔŋ;

JAMES 2:4

nte mbufo inyenede esit iba, inyuŋ idaha ukwaŋ ekikere ibiere ŋkpɔ inɔ owo?

LUKE 12:14

Edi Jesus ete enye, Owo, anie okonim Mi nte ebierikpe ye edeme-udeme ke ufɔt mbufo?

HABAKKUK 1:4

Oro esin ibet okpu, ikpe inyuŋ iwɔrɔke nte asaŋade ye akpanikɔ: koro mme idiɔk owo ekande nti owo ekuk; mmɔdo edikwaŋa ikpe ɔwɔrɔde.

AMOS 6:12

Nte horse eyefeŋe ke enyɔŋ akwa itiat? Nte owo eyeda enaŋ ofuŋ enye? Koro mbufo ekabarede ikpe esin ke etidot, ekabare mfri edinen ido esin ke wormwood:

2 ŊWED CORINTH 5:16

Ntre ɔtɔŋɔde ke emi nnyin ifiɔkke owo ke ido obukidem; ekpedi nte ikɔfiɔkde Christ ke ido obukidem, ifiɔkke Enye aba ke usuŋ oro.