JOHN 8:14 - Edisana ñwed Abasi Ibom

¹⁴ Jesus ɔbɔrɔ mmɔ ete, Ami ŋkpededi ntiense nnɔ Idem Mi, ikɔ-ntiense Mi edi akpanikɔ; koro mmɔfiɔk ebiet emi ntode, ye ebiet emi ŋkade: edi mbufo ifiɔkke ebiet emi ntode, ye ebiet emi ŋkade.

JOHN 8:14 Referans Kwoze

JOHN 16:28

Ŋkoto ke ɔtɔ Ete ndi ke ererimbot; nnyuŋ mmɔŋ ŋkpɔŋ ererimbot nnyɔŋ ntiene Ete.

JOHN 13:3

sia Jesus ɔfiɔkde ete Ete amayak kpukpru ŋkpɔ esin Imɔ ke ubɔk, Imɔ ikonyuŋ ito Abasi, inyuŋ inyɔŋ itiene Abasi,

JOHN 14:10

Nte unimke ke akpanikɔ ete, Ami ndu ke Ete, Ete onyuŋ odu Mi ke idem? mme ikɔ eke ntiŋde nnɔ mbufo, ntiŋke ke uyo Idem Mi: edi Ete emi odude Mi ke Idem ke anam utom Esie.

JOHN 8:42

Jesus ete mmɔ, Edieke Abasi ekpedide Ete mbufo, mbufo ekpema Mi: koro Ami ŋkoto ke Abasi ŋwɔrɔ ndi; ŋkonyuŋ ndige ke odudu Idem Mi, edi Enye ɔkɔdɔŋ Mi.

JOHN 17:8

koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

NUMBERS 12:3

Ndien Moses oro edi ata suŋ-suŋ owo, akan kpukpru owo emi edude ke iso ererimbot.

ERIYARARE 3:14

Nyuŋ nɔ ŋwed esɔk angel ufɔk Abasi emi odude ke Laodicea, ete: Ntem ke Enye, emi edide Amen, ata ntiense akpanikɔ, ebe-iso ke kpukpru se Abasi obotde, ɔdɔhɔ ete,

2 ŊWED CORINTH 12:19

Etie mbufo nte ofuri ini emi ntetiŋ emi ŋwana ndinyaŋa idem ke iso mbufo? Ntie ke Christ ntiŋ ikɔ ke iso Abasi. Edi ndima mme ufan, ntiŋ kpukpru ŋkpɔ emi, man mbufo ekɔri ke ido Abasi.

2 ŊWED CORINTH 12:11

Mmakabare ndi ndisime; mbufo ke enyenyik mi esin ke esit. Mbufo ekpekam etoro mi; koro mmeŋkprike ŋkan mme akakan apostle ke baba usuŋ kiet, okposuk edi nte mmendige ŋkpɔ.

2 ŊWED CORINTH 11:31

Abasi ye Ete Ɔbɔŋ nnyin Jesus, eke ubɔŋ enyenede Enye ke nsinsi, ɔmɔfiɔk ete nsuhu nsu.

JOHN 10:36

nte mbufo edɔhɔ ebaŋa Enye emi Ete okonimde, ete isio Enye idɔŋ ke ererimbot, ete, Afo emesuene Abasi, koro ndɔhɔde nte, Ndi Eyen Abasi?

JOHN 10:15

Ami nnyuŋ mfiɔkde Ete; mmonyuŋ nyak uwem Mi nduɔk ke ibuot mme erɔŋ.

MME ŊKE 8:7

Koro nsiŋ mi eyetie ekere akpan-ikɔ; ndien mkpɔk-inua mi ese idiɔk ke mbubiam.

JOHN 5:31

Edieke ntiede ntiense mbaŋa Idem Mi, ikɔ-ntiense Mi idige akpanikɔ.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;