JOHN 8:11 - Edisana ñwed Abasi Ibom

¹¹ Enye ete, baba owo kiet, Ɔbɔŋ. Jesus ɔdɔhɔ enye ndien ete, Ami nnyuŋ ntipke fi ikpe; nyɔŋ okuo; kunam aba idiɔk-ŋkpɔ.

JOHN 8:11 Referans Kwoze

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

JOHN 5:14

Edikem Jesus okut enye ke temple, onyuŋ ɔdɔhɔ enye ete, Sese, omokop nsɔŋidem; kunam aba idiɔk-ŋkpɔ, mbak se idiɔkde ikan oko edisim fi.

JOHN 8:15

Mbufo ebiere ŋkpɔ ke ido obukidem; Ami mbiereke ikpe baba owo kiet.

LUKE 15:7

Ndɔhɔ mbufo nte, Kpasuk ntre ke idara edidu ke heaven abaŋa idiɔk owo kiet emi akabarede esit, akan nti owo anaŋ ye efurenaŋ, emi minyeneke se ekabarede esit ebaŋa.

LUKE 5:32

Ŋkedige ndikot ndinen owo, edi ŋkedi ndikot mme idiɔk owo, nte ekabare esit.

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

ŊWED JOB 34:31

Nte owo edidɔhɔ abasi, ndien, ete, Mmada ufen, ndien nnamke idiɔk?

ŊWED MBON ROME 2:4

Midige, mme esin uwak mfɔnido ye ndidop ye anyan ime Esie ke ndek, ke mufiɔkke ete mfɔnido Abasi ada fi oduk ke erikabare esit?

LUKE 13:3

Ndɔhɔ mbufo nte, idige ntre: edi ke mbufo mikabakere esit, mbufo kpukpru eyetak kpa ntre.

LUKE 15:10

Ndɔhɔ mbufo nte, Kpasuk ntre ke idara odu ke iso mme angel Abasi abaŋa owo kiet emi akabarede esit.

JOHN 18:36

Jesus ɔbɔrɔ ete, Obio Ubɔŋ Mi idige eke ererimbot emi: edieke Obio Ubɔŋ Mi ekpedide eke ererimbot emi, ikɔt Mi ekpe-ŋwana eŋwan, mbak ediyak Mi esin mme Jew ke ubɔk: edi Obio Ubɔŋ Mi itoho do.

LUKE 15:32

Edi odot nnyin ndidara nnyuŋ nnem esit, koro eyen-eka fo emi ama akpa, onyuŋ odu uwem: ama osop, ndien ikut enye.

LUKE 13:5

Ndɔhɔ mbufo nte, idige ntre: edi ke mbufo mikabakere esit, mbufo kpukpru eyetak kpa ntre.

ISAIAH 55:6

Mbufo eyom Jehovah, ke ini ekemede ndikut enye, eseme ekot enye, ke ini enye ekperede:

DEUTERONOMY 17:9

nyuŋ tiene mme oku, mme Levite, ye ebierikpe emi edidude ke usen oro, nyuŋ bup; ndien mmɔ eyesian fi ikɔ eke ebaŋade ikpe oro:

DEUTERONOMY 16:18

Nyuŋ nim mme ebierikpe ye mme andidaha ke idem fo ke kpukpru obio fo eke Jehovah Abasi fo ɔnɔde fi ke ofuri mme esien fo: ndien yak mmɔ ekpe edinen ikpe enɔ kpukpru owo.

2 PETER 3:15

Enyuŋ eda ete, anyan ime Ɔbɔŋ nnyin ɔwɔrɔ erinyaŋa; kpa nte edima eyen-ete nnyin Paul adade ifiɔk eke enɔde enye ewet ɔnɔ esɔk mbufo;

1 ŊWED CORINTH 5:12

Koro nsaŋa nso ke erikpe ikpe nnɔ mmɔ emi miduhe ke esit ufɔk Abasi? Nte mbufo ikpehe ikpe mbon esit ufɔk? ama edi mbio aŋwa, Abasi eyekpe ikpe mmɔ.

LUKE 9:56

Ndien mmɔ ebe eka ke obio-iŋwaŋ eŋwen.