JOHN 7:15 - Edisana ñwed Abasi Ibom

¹⁵ Ntem ke mme Jew eyik ete, Owo emi asaŋa didie ɔfiɔk ŋwed, ke ini akanam Enye mikpepke kpep?

JOHN 7:15 Referans Kwoze

LUKE 4:22

Kpukpru mmɔ enyuŋ edi ntiense enɔ Enye, enyuŋ edu ke mkpa-idem ndikop ikɔ mfɔn eke ewɔŋɔde Enye ke inua: mmɔ nyuŋ edɔhɔ ete, Nte Enye emi idige eyen Joseph?

MATTHEW 13:54

Ndien Enye edi ke obio Esiemɔ onyuŋ ekpep mmɔ ŋkpɔ ke synagogue mmɔ, tutu idem akpa mmɔ, mmɔ enyuŋ ete, Owo emi ada ɔniɔŋ emi ye utom odudu emi ke mmɔŋ?

UTOM MME APOSTLE 26:24

Ndien nte Paul etiŋde ikɔ akaŋ idem ntem, Festus okot enye ke ɔkpɔsɔŋ uyo ete, Paul, idat omum fi; akwa ukpep-ŋkpɔ anam fi ɔdɔŋɔ idat.

JOHN 7:46

Mme isuŋutom ebɔrɔ ete, Akananam owo itiŋke ikɔ nte owo emi.

LUKE 2:47

edi idem akpa kpukpru mmɔ emi ekopde ikɔ Esie, abaŋa ɔniɔŋ ye mme ibɔrɔ Esie.

MATTHEW 22:22

Ndien ke ini mmɔ ekopde, idem akpa mmɔ eti-eti, mmɔ enyuŋ ekpɔŋ Enye enyɔŋɔ.

JOHN 1:19

Ndien emi edi ikɔ ntiense John, ke adaŋemi mme Jew emi etode ke Jerusalem esiode mme oku ye mme Levite edɔŋ ke ɔtɔ esie, ete ebup enye ete, Afo edi anie?

MATTHEW 22:33

Ndien ke mme otu owo oro ekopde, idem akpa mmɔ ye ukpep-ŋkpɔ Esie.

1 SAMUEL 10:11

Edikem adaŋemi kpukpru owo eke ekebemde iso efiɔk enye ekutde enye, ete, sese, enye ke anam prophecy ke otu mme prophet, ndien kpukpru owo edɔhɔ kiet ye kiet, ete, Emi-e! nsinam eyen Kish? Nte Saul onyuŋ odu ke otu mme prophet?

JOHN 7:11

Ntem ke mme Jew eyom Enye ke usɔrɔ, enyuŋ ete, Enye odu mmɔŋ?

JOHN 7:13

Edi baba owo kiet itiŋke ŋkpɔ ibaŋa Enye aŋwa-aŋwa ɔnɔ ndik mme Jew.

UTOM MME APOSTLE 4:13

Ke adaŋemi mmɔ ekutde uko Peter ye John, enyuŋ efiɔkde ete mmɔ edi mbon emi mikekpepke ŋwed, enyuŋ edide ndisime ke ifiɔk ŋwed, idem akpa mmɔ; mmɔ enyuŋ ekabare efiɔk ete mmɔ oro ekodu ye Jesus.

ISAIAH 29:12

Ndien eda ŋwed oro enɔ owo emi mifiɔkke ŋwed, ete, Mbɔk, kot emi: edi enye ɔdɔhɔ, ete, Mfiɔkke ŋwed.