JOHN 7:12 - Edisana ñwed Abasi Ibom

¹² Ndien akwa nsuk-uyo odu ke otu mme otu owo abaŋa Enye: ndusuk mmɔ ete, Enye edi eti owo; mmɔ eken ete, Idige: edi Enye ada mbio-obio awaha ɔkpɔŋ usuŋ.

JOHN 7:12 Referans Kwoze

JOHN 9:16

Mmɔdo ndusuk mme Pharisee edɔhɔ ete, Owo emi itoho Abasi, koro Enye minimke sabbath. Mmɔ efen ete, Owo emi edide anam-idiɔk ekeme didie ndinam oruk idiɔŋɔ eke etiede ntem? Ntre ke ubahare odu ke otu mmɔ.

JOHN 7:47

Ntre ke mme Pharisee ebɔrɔ mmɔ ete, Nte mbufo ŋko emawaha ekpɔŋ usuŋ?

JOHN 7:32

Mme Pharisee ekop nte otu owo esukde uyo ebaŋa Enye ntem; ikpɔ oku ye mme Pharisee enyuŋ edɔŋ mme isuŋutom ete emum Enye.

ŊWED MBON PHILIPPI 2:14

Ke erinam kpukpru ŋkpɔ etre nsuk-uyo ye eneni;

ŊWED MBON ROME 5:7

Ke akpanikɔ ɔsɔŋ eti-eti owo ndikpa ke ibuot edinen owo; ndusuk, owo ekpekeme ndinyime ndikpa ke ibuot owo mfɔn-ido.

UTOM MME APOSTLE 11:24

koro enye edide eti owo, Edisana Spirit ye mbuɔtidem enyuŋ eyɔhɔ enye ke idem: ndien ediwak owo ediana ye Ɔbɔŋ.

JOHN 7:52

Duŋɔre kokut ete, baba prophet kiet itoho ke Galilee iwɔrɔ.

JOHN 6:14

Ke ini mbon oro ekutde idiɔŋɔ oro Enye anamde, mmɔ ete, Ke akpanikɔ emi edi prophet emi edidukde edi ke ererimbot.

LUKE 23:50

Ndien sese, owo kiet odu, emi ekerede Joseph, emi edide owo akwa esop, onyuŋ edide eti ye edinen owo (enye ikasaŋake do ke uduak ye erinam mmɔ)

LUKE 23:47

Ndien ke ini centurion okutde se itibede, enye ɔnɔ Abasi itoro ete, ke akpanikɔ owo emi ekedi edinen owo.

LUKE 18:19

Edi Jesus ɔdɔhɔ enye ete, Nsinam okotde Mi eti? Enye emi edide eti iduhe, ke mibɔhɔke Kiet, kpa Abasi.

LUKE 7:16

Ekem Jesus ayak enye ɔnɔ eka esie. Edi ndik omum mmɔ kpukpru; mmɔ enyuŋ enɔ Abasi itoro, ete, Akwa prophet amadaha ada ke otu nnyin; enyuŋ ete, Abasi emedi ndise ikɔt Esie.

LUKE 6:45

Eti owo osioŋo se ifɔnde ke nti ŋkpɔ eke enye okobonde ke esit esie; idiɔk owo onyuŋ osioŋo se idiɔkde ke mme idiɔk ŋkpɔ eke enye okobonde ke esit esie; koro oto ke uyɔhɔ esit ndien inua etiŋ.

MATTHEW 27:63

Ɔbɔŋ, nnyin imeti ite, ke ini owo abiaŋa oro okodude uwem, Enye ɔdɔhɔ ete, Usen ita ema ebe Imɔ iyeset.

MATTHEW 21:46

Edi ke ini mmɔ eyomde ndimum Enye mmɔ efehe mme otu owo, koro mmɔ oro edade Enye ke prophet.

MATTHEW 10:25

Ekem eyen ukpep-ŋkpɔ nditie nte andikpep enye, asaŋa-utom ndinyuŋ ntie nte ete-ufɔk esie. Edieke mmɔ ema ekot ete-ufɔk ete, Beelzebub, ŋwaŋwaediso ke mmɔ edikot nditɔ ufɔk esie ntre.