JOHN 5:36 - Edisana ñwed Abasi Ibom

³⁶ Edi Ami mmenyene ikɔ-ntiense emi okponde akan eke John; koro mme utom emi Ete ɔkɔnɔde Mi ete nnam, kpa utom emi nnanam, mmɔ enyuŋ edi ntiense enɔ Mi, ete, Ete okosio Mi ɔdɔŋ.

JOHN 5:36 Referans Kwoze

JOHN 10:25

Jesus ɔbɔrɔ mmɔ ete, Mma ntiŋ nnɔ mbufo, ndien mbufo inimke ke akpanikɔ: mme utom eke Ami nnamde ke enyiŋ Ete Mi edi ntiense enɔ Mi.

JOHN 15:24

Edieke mmneŋkpesineke ke ufɔt mmɔ nnam mme utom eke akanam owo efen minamke, mmɔ ikpenyeneke idiɔk-ŋkpɔ: edi ke emi mmɔ ekokut enyuŋ esua Mi ye Ete Mi.

JOHN 2:23

Edi ke ini Enye odude ke Jerusalem ke usɔrɔ passover, ediwak owo ebuɔt idem ke enyiŋ Esie, ke emi mmɔ ekutde mme idiɔŋɔ eke Enye anamde.

1 JOHN 5:9

Edieke nnyin ibɔde ikɔ-ntiense owo, ikɔ ntienese Abasi okpon akan; koro emi edi ikɔ-ntiense Abasi, ete, Imɔ iketie ntiense ibaŋa Eyen Imɔ.

JOHN 3:2

Owo emi etiene Jesus ke okoneyo ɔkɔdɔhɔ Enye ete, Rabbi, nnyin imɔfiɔk ite Afo edi Andikpep emi Abasi osiode ɔdɔŋ; koro baba owo kiet ikemeke ndinam mme idiɔŋɔ emi Afo ananam, ibɔhɔke Abasi odu ye enye.

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

MATTHEW 11:4

Ndien Jesus ɔbɔrɔ mmɔ ete, Eka ekebuk enɔ John ŋkpɔ oro mbufo ekopde enyuŋ ekutde:

UTOM MME APOSTLE 2:22

Mbufo nditɔ Israel, ekop ikɔ emi: Jesus eyen Nazareth, owo emi Abasi onyimede ke otu mbufo ke mkpɔsɔŋ utom ye mme utibe ŋkpɔ ye mme idiɔŋɔ eke Abasi adade ubɔk Esie anam ke otu mbufo, nte mbufo ke idem mbufo efiɔkde;

JOHN 5:32

Edi owo efen etie ntiense abaŋa Mi, ndien mmɔfiɔk nte ikɔ-ntiense eke enye etiŋde abaŋa Mi edi akpanikɔ.

JOHN 4:34

Jesus ete mmɔ, Udia Mi edi ndinam uduak Andidɔŋ Mi, nnyuŋ mma utom Esie.

JOHN 17:4

Ami mma nnɔ Fi ubɔŋ ke isɔŋ, ke emi ŋkanamde utom eke Afo ɔkɔnɔde Mi nnam.

JOHN 11:37

Edi ndusuk mmɔ ete, Nte owo emi akatatde nnan enyin ikpekemeke ndinam owo emi okukpa?

LUKE 2:49

Ndien Enye ete mmɔ,Nsidi ntak eke mbufo eyomde Mi? nte ifiɔkke ite, nnyene ndidu ke ufɔk Ete Mi?