JOHN 5:25 - Edisana ñwed Abasi Ibom

²⁵ Ke akpanikɔ ke ndɔhɔ mbufo, Ini ke edi, onyuŋ ededi ama, eke mme akpa-mkpa edikopde uyo Eyen Abasi, ndien mmɔ emi ekopde eyedu uwem.

JOHN 5:25 Referans Kwoze

JOHN 5:28

Ekuyik ŋkpɔ emi, koro ini ke edi eke kpukpru mme andidu ke udi edikopde Enye uyo ewɔŋɔ edi;

ŊWED MBON EPHESUS 5:14

koro sededi eke eyararede akabare edi uŋwana. Mmɔdo ɔdɔhɔde ete, Demere, afo emi edede idap, Nyuŋ set ke mkpa, Ndien Christ eyeyama ɔnɔ fi.

ŊWED MBON EPHESUS 2:5

akanam nnyin emi ikakpaŋade ke mme ukwaŋkpɔ nnyin idu uwem ke Christ (ke mfɔn ke ema enyaŋa mbufo),

JOHN 4:23

Edi ini ke edi, omonyuŋ ededi ama, eke ata mme andituak ibuot edituakde ibuot enɔ Ete ke spirit ye ke akpanikɔ: koro edi mmɔ eke etiede ntem ke Ete oyom ete etuak ibuot enɔ Imɔ.

ERIYARARE 3:1

NYUŊ nɔ ŋwed esɔk angel ufɔk Abasi emi odude ke Sardis, ete: Ntem ke Enye emi enyenede mme Spirit Abasi itiaba, ye ntantafiɔŋ itiaba, ɔdɔhɔ ete; Mmɔfiɔk mme utom fo, nte emenyene enyiŋ, ete ke odu uwem, ndien ama akpa.

JOHN 8:47

Enye eke edide owo Abasi okop ikɔ Abasi; sia mbufo midige ikɔt Abasi, emi esin mbufo ekukop.

ŊWED MBON COLOSSAE 2:13

Mbufo emi ekekpaŋade ke eribiat ibet, ye ke eritre ndina mbobi ke obukidem, kpa mbufo ke Abasi okonyuŋ anam edu uwem ye Enye: Enye emefen kpukpru eribiat ibet eke nnyin ikabiatde;

ŊWED MBON EPHESUS 2:1

MBUFO nde ekenyuŋ ekpaŋa ke ndudue ye mme idiɔk-ŋkpɔ mbufo,

ŊWED MBON ROME 6:4

Mmɔdo ke baptism nnyin ikɔbuhɔ ye Enye iduk ke mkpa; man, nte Ete akadade ubɔŋ Esie anam Christ eset ke mkpa, kpa ntre ke nnyin ŋko ikpasaŋa ke obufa uwem.

JOHN 8:43

Nsinam mbufo mifiɔkke se ikɔ Mi ɔwɔrɔde? Oto koro mbufo mikemeke ndikop uyo Mi.

JOHN 5:21

Koro nte Ete anamde mme akpa-mkpa eset ɔnɔ mmɔ uwem, kpa ntre ke Eyen anam owo eke Enye amade odu uwem.

LUKE 15:24

koro eyen mi emi ama akpa, onyuŋ ɔtɔŋɔ ntak odu uwem; enye ama osop, ndien ikut enye. Ntre ke mmɔ etɔŋɔ ndinam mbre.

LUKE 9:60

Edi Jesus ɔdɔhɔ ete, Yak mme akpa-mkpa ebuk mme akpa-mkpa mmɔ; edi afo, ka kɔkwɔrɔ Ubɔŋ Abasi.

JOHN 4:21

Jesus ete enye, Ŋwan owo, nim Mi ke akpanikɔ; ini ke edi, eke mbufo edituakde ibuot enɔ Ete, idige ke obot emi inyuŋ idige ke Jerusalem.

LUKE 15:32

Edi odot nnyin ndidara nnyuŋ nnem esit, koro eyen-eka fo emi ama akpa, onyuŋ odu uwem: ama osop, ndien ikut enye.

JOHN 17:1

JESUS etiŋ mme ikɔ emi; ndien emenere enyin ese enyɔŋ, onyuŋ ɔdɔhɔ ete, Ete, ini emedi; nɔ Eyen Fo ubɔŋ, man Eyen Fo ɔnɔ Fi ubɔŋ;

JOHN 13:1

KE ini usɔrɔ Passover mitɔŋɔke kaŋa, Jesus ɔfiɔk ete ekem ini nte Imɔ idikpɔŋde ererimbot emi inyɔŋ itiene Ete; ndien ke erima emi Enye amade ikɔt Esiemɔ emi edude ke ererimbot, Enye ama mmɔ tutu akpatre.

JOHN 6:60

Ke adaŋemi ediwak mbet Esie ekopde emi, mmɔ edɔhɔ ete, Ikɔ emi ɔsɔŋ ebe: anie ekeme ndikop utɔ ŋkpɔ oro?

JOHN 9:27

Enye ɔbɔrɔ mmɔ ete, Mmetiŋ nnɔ mbufo idem idaha emi, edi mbufo ikopke: nsinam mbufo eyomde nditɔŋɔ ntak ŋkop? nte mbufo ŋko ke eyom ndikabare ndi mbet Esie?