JOHN 5:23 - Edisana ñwed Abasi Ibom

²³ man kpukpru owo ekpono Eyen kpa nte mmɔ ekponode Ete. Owo eke mikponoke Eyen ikponoke Ete emi ɔkɔdɔŋde Enye.

JOHN 5:23 Referans Kwoze

1 JOHN 2:23

Kpukpru owo eke afaŋade Eyen inyeneke Ete: owo emi onyimede Eyen enyene Ete nde.

LUKE 10:16

Owo eke okopde uyo mbufo okop uyo Mi; owo eke onyuŋ esinde mbufo esin Mi; owo eke esinde mi onyuŋ esin Enye emi ɔkɔdɔŋde Mi.

2 JOHN 1:9

Kpukpru owo eke adade ibuot usuŋ, minyuŋ isukke idem itie ke ukpep-ŋkpɔ Christ, inyeneke Abasi; owo oro osukde idem etie ke ukpep-ŋkpɔ oro enyene Ete, onyuŋ enyene Eyen.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

MME HEBREW 1:6

Ŋko, ke adaŋemi Enye editɔŋɔde ntak ada Akpan Esie edi ke ererimbot, Enye ɔdɔhɔ ete, Yak kpukpru mme angel Abasi enyuŋ etuak ibuot enɔ Enye.

ŊWED MBON EPHESUS 6:24

Mfɔn akpakam odu ye kpukpru mmɔ emi emade Ɔbɔŋ nnyin Jesus Christ ye ima eke midibiarake.

2 PETER 3:18

Edi etie ke mfɔn ye ifiɔk Ɔbɔŋ ye Andinyaŋa nnyin Jesus Christ ekɔri ŋkɔri. Yak ubɔŋ enyene Enye ke emi ye ke nsinsi. Amen.

ŊWED MBON ROME 8:9

Edi mbufo iduhe ke obukidem, edi edu ke spirit, edieke Spirit Abasi oduŋde ke esit mbufo. Edi edieke owo minyeneke Spirit Christ, enye idige owo Christ.

1 ŊWED CORINTH 10:31

Mmɔdo mme mbufo ediade, mme eŋwɔŋde, mme enamde ŋkpɔ ekededi, enam kpukpru enɔ Abasi ubɔŋ.

ŊWED MBON ROME 6:22

Edi ke emi ema ekosio mbufo itie-ufin idiɔk-ŋkpɔ, enyuŋ enam mbufo edi ikɔt Abasi, mbufo esioŋo mfri eke ɔwɔrɔde edisana ido ɔnɔ mbufo, utit esie onyuŋ edi nsinsi uwem.

JOHN 16:14

Enye eyenam nnyene ubɔŋ: koro Enye eyeda se inyenede Mi ayarare ɔnɔ mbufo.

1 ŊWED CORINTH 6:19

Mme nte mbufo ifiɔkke ite, ikpɔhidem mbufo edi temple Edisana Spirit, emi oduŋde mbufo ke esit, kpa Spirit emi mbufo ekebɔde ke ubɔk Abasi?

MATTHEW 12:21

Ndien mme Gentile eyedori enyin ke enyiŋ Esie.

2 ŊWED TIMOTHY 1:12

Emi esin mi ŋkut ndudtuhɔ emi; edi ŋkopke but; koro mmɔfiɔk Enye emi ŋkɔbuɔtde idem ye Enye, mmonyuŋ mbure mfiɔk nte, Enye emekeme ndikpeme se ŋkayakde nsin Enye ke ubɔk tutu osim usen oro.

2 ŊWED CORINTH 13:14

Mfɔn Ɔbɔŋ Jesus Christ, ye ima Abasi, ye nsaŋa Edisana Spirit, akpakam odu ye mbufo kpukpru.

2 ŊWED CORINTH 5:19

ete, ke Christ Abasi ke ananam ererimbot etie ke emem ye Enye, ke mibatke ndudue owo inɔ mmɔ; okonyuŋ emen ikɔ erikabare ntie ke emem ye Enye esin nnyin ke ubɔk ete ikwɔrɔ.

2 ŊWED CORINTH 1:9

ke akpanikɔ esit nnyin eketetiŋ ɔnɔ nyin ete, iyekpa; man ikubuɔt idem ye idem nnyin, edi ye Abasi emi anamde mme akpa-mkpa eset:

1 ŊWED CORINTH 1:3

Mfɔn ye emem akpakam oto ke ubɔk Abasi Ete nnyin, ye Ɔbɔŋ Jesus Christ osim mbufo.

JOHN 14:1

EKUYAK esit otimere mbufo: ebuɔt idem ye Abasi, enyuŋ ebuɔt idem ye ami.

MATTHEW 10:37

Owo eke amade ete me eka akan Mi idotke ye Ami: owo eke onyuŋ amade eyen eren esie me eyen esie aŋwan akan Mi idotke ye Ami.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

ISAIAH 45:21

Mbufo etiŋ, enyuŋ eda edi; yak mmɔ enyuŋ esobo ibuot ɔtɔ kiet: anie okobuk emi ke eset? anie eketiŋ enye tutu ko? Nte idige ami Jehovah? ndien Abasi efen iduhe ke mibɔhɔke ami: edinen Abasi emi onyuŋ edide andinyaŋa iduhe ikɔrɔ ye ami.

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

2 ŊWED CORINTH 5:14

Koro ima Christ efefik nnyin; koro ida ntem ite, Owo kiet ama akakpa abaŋa kpukpru owo, kpukpru owo ekpaŋa ndien;

1 ŊWED CORINTH 16:22

Edieke owo ekededi mimaŋa Ɔbɔŋ, Ɔdɔdiɔk ɔnɔ enye.

ŊWED MBON ROME 15:12

Isaiah onyuŋ ɔdɔhɔ ete, Orun eyeto ke Jesse ɔwɔrɔ, Edi Enye eyedaha ada ndikara mme Gentile; Mme Gentile eyenyuŋ edori Enye enyin ke idem.

ŊWED MBON ROME 1:7

ewet ɔnɔ esɔk kpukpru mmɔ emi edukde Ke Rome emi Abasi amade, onyuŋ okotde ete edidi ndisana ikɔt Esie. Mfɔn ye emem, emi etode ke ubɔk Abasi Ete nnyin ye Ɔbɔŋ Jesus Christ, akpakam odoro mbufo.

JOHN 17:10

ndien kpukpru se idide Okim edi Okuo, se idide Okuo onyuŋ edi Okim: mmonyuŋ nnyene ubɔŋ ke mmɔ.

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

ISAIAH 44:6

Ntem ke edidem Israel, ye andifak enye, Jehovah mme udim, ɔdɔhɔ, ete, Ami ndi mbemiso, ami nnyuŋ ndi akpatre; ndien baba owo kiet iduhe ke mibɔhɔke ami.

ISAIAH 42:8

Ami ndi Jehovah; enyiŋ mi edi oro: ndinyuŋ nnɔŋɔ owo efen ubɔŋ mi, nnɔŋɔ ndisɔi mbiet itoro mi.

2 PETER 1:1

SIMON PETER, emi edide owo ye apostle Jesus Christ, ewet ŋwed emi ɔnɔ esɔk mmɔ emi ekɔbɔde utɔ ɔsɔŋ-urua mbuɔtidem eke ebietde eke nnyin, ke edinen ido Abasi nnyin ye Andinyaŋa Jesus Christ.

ISAIAH 45:15

Ke akpanikɔ afo edi Abasi eke odibede, O Abasi Israel, andinyaŋa.

MATTHEW 15:8

Mbio emi ekpono Mi ke mkpɔk-inua mmɔ; Edi esit mmɔ ada nsan-nsan ye Ami.