JOHN 5:22 - Edisana ñwed Abasi Ibom

²² Ete inyuŋ ikpehe ikpe baba owo kiet, edi akayak kpukpru eribiere-ikpe esin Eyen ke ubɔk,

JOHN 5:22 Referans Kwoze

JOHN 5:27

Enye omonyuŋ ɔnɔ Eyen odudu ndidi ebierikpe, koro Enye edide Eyen Owo.

UTOM MME APOSTLE 17:31

koro Enye omonim usen eke Enye edikpede ikpe ɔnɔ ererimbot ke edinen ido, ke ubɔk Owo emi Enye ekemekde; Enye onyuŋ ada erinam emi Enye anamde Owo oro eset ke mkpa ayarare owut kpukpru owo ete edidi ntem.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

UTOM MME APOSTLE 10:42

Abasi onyuŋ ɔnɔ nnyin uyo ete ikwɔrɔ inɔ mbio-obio, inyuŋ idi ntiense ite Emi edi Enye emi Abasi okonimde ete edi Ebierikpe ɔnɔ mme odu-uwem ye mme akpa-mkpa.

JOHN 9:39

Ekem Jesus ɔdɔhɔ ete, Ami mma ndi ke ererimbot emi ndikpe ikpe nnɔ owo, man mmɔ eke mikwe ŋkpɔ ekpekut, mmɔ eke ekutde ŋkpɔ ekponyuŋ ekabare edi nnan.

2 ŊWED TIMOTHY 4:1

KE iso Abasi, ye ke iso Christ Jesus, emi edikpede ikpe mme odu-uwem ye mme akpa-mkpa, mmada eriyarare Esie ye Ubɔŋ Esie ŋwuk fi nte, Kwɔrɔ ikɔ Abasi;

ŊWED MBON ROME 2:16

ke usen eke Abasi edibierede ndibe ŋkpɔ owo ke ubɔk Jesus Christ, nte gospel mi owutde.

JOHN 17:2

kpa nte ama ɔkɔnɔ Enye odudu ndikara kpukpru obukidem, ete akpada nsinsi uwem ɔnɔ owo ekededi eke Afo ayakde ɔnɔ Enye.

1 PETER 4:5

Edi mmɔ eyenyene ndibɔrɔ mbaŋa ŋkpɔ emi nnɔ Enye emi etiede ebet ndikpe mme odu uwem ye mme akpa-mkpa.

ŊWED MME PSALM 96:13

Koro enye edide; koro enye edide ndikpe ikpe ererimbot: enye eyekpe ekondo ke edinen ido, ye mme idut ke akpanikɔ esie.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

ŊWED MME PSALM 98:9

ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.

JOHN 3:35

Ete amama Eyen, omonyuŋ ayak kpukpru ŋkpɔ esin Enye ke ubɔk.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

ECCLESIASTES 11:9

O akparawa, dara ke uyen fo; yak esit fo onyuŋ enem fi ke usen emi afo edide akparawa, nyuŋ tiene usuŋ esit fo, ye se enyin fo okutde: edi fiɔk ete ke Abasi edikot fi edi ikpe abaŋa kpukpru ŋkpɔ emi.

ECCLESIASTES 12:14

Koro Abasi eyekot kpukpru ŋkpɔ emi enamde edi ikpe, ɔkɔrɔ ke kpukpru ndibe-ndibe ŋkpɔ, edide eti, eyuŋ edide mme idiɔk.