JOHN 4:21 - Edisana ñwed Abasi Ibom

²¹ Jesus ete enye, Ŋwan owo, nim Mi ke akpanikɔ; ini ke edi, eke mbufo edituakde ibuot enɔ Ete, idige ke obot emi inyuŋ idige ke Jerusalem.

JOHN 4:21 Referans Kwoze

1ŊWED TIMOTHY 2:8

Nyom irenowo ndien ebɔŋ akam ke kpukpru ebiet, emenere ndisana ubɔk ke enyɔŋ, ekunyene iyaresit ye eneni.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

ŊWED MBON EPHESUS 2:18

koro oto Enye ke nnyin ke edem mbiba inyene usuŋ eke isaŋade ke Spirit kiet itiene Ete.

JOHN 4:23

Edi ini ke edi, omonyuŋ ededi ama, eke ata mme andituak ibuot edituakde ibuot enɔ Ete ke spirit ye ke akpanikɔ: koro edi mmɔ eke etiede ntem ke Ete oyom ete etuak ibuot enɔ Imɔ.

MATTHEW 18:20

Koro ɔtɔ nte owo iba mme ita esopde idem ke enyiŋ Mi, do ke ndodu ke ufɔt mmɔ.

ŊWED MBON EPHESUS 3:14

Ke ntak emi ntɔŋɔ edɔŋ nnɔ Ete,

JOHN 16:32

Sese, ini ke edi, onyuŋ ededi ama, eke mbufo edisuanade, kpukpru mbufo edinyuŋ enyɔŋde ke ebiet mbufo, edinyuŋ ekpɔŋde Mi ikpɔŋ: edi ntiehe ikpɔŋ, koro Ete odude ye Ami.

JOHN 16:2

Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

JOHN 5:28

Ekuyik ŋkpɔ emi, koro ini ke edi eke kpukpru mme andidu ke udi edikopde Enye uyo ewɔŋɔ edi;

EZEKIEL 14:3

Eyen owo, mme mmɔ emi emeda ibɔk mmɔ ewuk ke esit mmɔ, enyuŋ eda ŋkpɔ iduɔ idiɔk ido mmɔ enim ke iso mmɔ: nte ŋkpayak ebup mi ebaŋa mmɔ?

1 PETER 1:17

Ndien edieke mbufo esemede ekot Enye nte Ete, emi miteŋeke owo enyin, edi ebierede ikɔ ɔnɔ owo nte erinam esie edide, edu uwem ke ndik ke ini ndaŋ mbufo mi;

UTOM MME APOSTLE 6:14

Jesus eyen Nazareth emi eyewuri ebiet emi, onyuŋ ɔkpuhɔre mme ido eke Moses ɔkɔnɔde nnyin ete inim.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 5:25

Ke akpanikɔ ke ndɔhɔ mbufo, Ini ke edi, onyuŋ ededi ama, eke mme akpa-mkpa edikopde uyo Eyen Abasi, ndien mmɔ emi ekopde eyedu uwem.

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

EZEKIEL 20:3

Eyen owo, neme ye mbiowo Israel, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Nte mbufo edi ndibup mi ŋkpɔ? Ɔbɔŋ Jehovah ɔdɔhɔ, ete, Ma uwem mi, ndiyakke ebup mi enɔ mbufo.

ISAIAH 66:1

NTEM ke Jehovah ɔdɔhɔ, ete, Enyɔŋ edi ebekpo mi, isɔŋ onyuŋ edi udorukot mi: nso ufɔk ke mbufo edibɔp enɔ mi? Nso ebiet ke mbufo edinim ke nduɔk-odudu mi ŋko?

ERIYARARE 21:22

Edi ŋkwe temple do, koro Jehovah Abasi Andikara kpukpru ŋkpɔ ye Eyen-erɔŋ edi temple esie.