JOHN 4:14 - Edisana ñwed Abasi Ibom

¹⁴ edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

JOHN 4:14 Referans Kwoze

JOHN 6:35

Jesus ɔdɔhɔ mmɔ ete, Ami ndi uyo uwem: owo eke etienede Mi idikpaha biɔŋ, owo eke onyuŋ ɔbuɔtde idem ye Ami idikopke nsat-itɔŋ tutu amama.

ISAIAH 49:10

Biɔŋ ididɔŋke mmɔ, itɔŋ idinyuŋ isatke mmɔ; eyo ye utin idibɔŋke mmɔ: koro anditua mmɔ mbɔm eyeda mmɔ usuŋ, eyeda mmɔ aka ke ɔtɔ eke mmɔŋ otopde ɔwɔrɔ.

ERIYARARE 7:16

Mmɔ idikopke aba biɔŋ, idinyuŋ ikopke aba nsatitɔŋ;

JOHN 11:26

ndien owo ekededi eke odude uwem onyuŋ ɔbuɔtde idem ye Ami idikpaha ke nsinsi. Nte omonim emi ke akpanikɔ?

JOHN 6:58

Emi edi uyo eke otode ke heaven ɔsuhɔre: itiehe nte se mme ete mbufo ekadiade enyuŋ ekpaŋa: owo eke adiade uyo emi eyedu uwem ke nsinsi.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

2 ŊWED CORINTH 1:22

emi okonyuŋ efikde nnyin idiɔŋɔ ke idem, onyuŋ esinde Spirit Esie ke esit nnyin, nte akpa ubak udeme nnyin.

ŊWED MBON ROME 6:23

Koro ŋkpɔ-eyen-utom idiɔk-ŋkpɔ edi mkpa, edi enɔ Abasi edi nsinsi uwem ke Christ Jesus Ɔbɔŋ nnyin.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

JOHN 10:10

Inɔ idige, ke mibɔhɔke man oyip, onyuŋ owot, onyuŋ osobo: Ami ŋkedi man mmɔ enyene uwem, enyuŋ edɔdiɔŋ enyene ekan.

ŊWED MBON EPHESUS 4:30

Ekunyuŋ eyat Edisana Spirit Abasi esit, emi edi ke Enye ke ema efik mbufo idiɔŋɔ ebeŋe usen erifak.

ŊWED MBON ROME 5:21

man nte idiɔk-ŋkpɔ akadade ubɔŋ ke mkpa, kpa ntre ŋko mfɔn akpada ubɔŋ oto ke edinen ido, ɔwɔrɔ nsinsi uwem oto ke Jesus Christ Ɔbɔŋ nnyin.

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

ISAIAH 55:1

Oh, mbufo kpukpru emi itɔŋ asatde, edi ke mmɔŋ! ye owo eke minyeneke okuk! mbufo edi edep enyuŋ edia! enyuŋ edi edep wine ye mmɔŋ-eba, idige ke okuk, inyuŋ idige ke ekɔm-urua.

ISAIAH 58:11

ndien Jehovah eyeda fi usuŋ kpukpru ini, onyuŋ ɔyuhɔ ukpɔŋ fo ke nda-eyo, onyuŋ anam mme ɔkpɔ fo esɔŋɔ: ndien afo eyebiet iŋwaŋ eke ebitde, ebiet idim mmɔŋ eke mmɔŋ esie mibiaŋake.

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

JEREMIAH 31:25

Koro mmɔnɔ ukpɔŋ mba-ba mmɔŋ ɔŋwɔŋ, mmonyuŋ nyuhɔ kpukpru ukpɔŋ eke efuhɔde.

EZEKIEL 47:9

Ndien ama ekem, kpukpru mme odu-uwem eke edinyɔkde ke ebiet ekededi eke akpa osimde do, eyedu uwem: iyak eyenyuŋ awak eti-eti, koro mmɔŋ emi osimde ko; koro mmɔŋ eyekabare ɔfɔn; ndien kpukpru oruk ŋkpɔ eke akpa mmɔŋ oro edisimde eyedu uwem.

MATTHEW 5:6

Ɔfɔfɔn ɔnɔ mmɔ eke ekopde biɔŋ ye nsat-itɔŋ edinen ido: koro mmɔ eyeyuhɔ.

JOHN 4:10

Jesus ɔbɔrɔ enye ete, Edieke afo ɔkpɔfiɔkde enɔ Abasi, ye owo emi obupde fi ete, Nɔ Mi mmɔŋ ŋŋwɔŋ, afo ekpebeŋe Enye, ndien Enye ɔkpɔnɔ fi odu-uwem mmɔŋ.

JOHN 4:11

Ŋwan oro ete Enye, Ɔbɔŋ, unyeneke se adade okoi mmɔŋ, obube onyuŋ ɔtuŋɔ: ada odu-uwem mmɔŋ oro ndien ke mmɔŋ?

JOHN 4:13

Jesus ɔbɔrɔ enye ete, Kpukpru owo eke eŋwɔŋde mmɔŋ emi eyetɔŋɔ ntak ekop nsat-itɔŋ:

JOHN 4:36

Kpa ke idaha emi andikpeŋe ukpeŋe ke ɔbɔ ŋkpɔ-eyen-utom, onyuŋ ataŋ mbuŋwum ɔnɔ nsinsi uwem; man andisuan mkpasip ye andikpeŋe ukpeŋe ekpadara ɔtɔ kiet.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

JOHN 7:37

Edi ke akpatre usen, usɔrɔ, Jesus adaha ofiori ete, Edieke owo ekededi okopde nsat-itɔŋ, yak enye etiene Mi ediŋwɔŋ.

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.

LEVITICUS 11:36

Edi idim mme obube eke mmɔŋ awakde ke esit, asana: edi se itukde okpo mmɔ edidi edidehe.