JOHN 3:15 - Edisana ñwed Abasi Ibom

¹⁵ man owo ekededi eke ɔbuɔtde idem ye Enye enyene nsinsi uwem.

JOHN 3:15 Referans Kwoze

JOHN 3:16

Koro Abasi akamama erimbot ntem, tutu Enye osio ikpɔŋ-ikpɔŋ Eyen emi Enye obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.

JOHN 6:40

Koro emi edi uduak Ete Mi, ete, kpukpru owo eke ekutde Eyen, enyuŋ ebuɔtde idem ye Enye, enyene nsinsi uwem; Ami nyenyuŋ nnam enye eset ke Akpatre usen.

JOHN 3:36

Owo eke ɔbuɔtde idem ye Eyen enyene nsinsi uwem; edi owo eke mibuɔtke idem ye Eyen idikwe uwem, edi iyaresit Abasi osuk ɔkɔbɔ enye.

JOHN 20:31

Edi ewet mmɔ emi, man mbufo enim ke akpanikɔ ete Jesus edi Christ, Eyen Abasi; man ke erinim ke akpanikɔ, mbufo ekpenyene uwem ke enyiŋ Esie.

1 JOHN 5:1

KPUKPRU owo eke enimde ete, Jesus edi Christ, edi Abasi okobon enye; ndien kpukpru owo eke emade Enye emi edide Andibon, ema enye emi Enye okobonde ŋko.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

ISAIAH 45:22

Mbufo kpukpru mme idut ererimbot, ekabare ese mi, ndien eyenyaŋa mbufo: koro ami ndide Abasi, ndien efen iduhe aba.

JOHN 6:47

Ke akpanikɔ ke ndɔhɔ mbufo, Owo eke onimde ke akpanikɔ enyene nsinsi uwem.

JOHN 1:12

Edi kpukpru owo eke edarade Enye, Enye ɔnɔ mmɔ unen ndikabare ndi nditɔ Abasi, kpa mmɔ emi ebuɔtde idem ke enyiŋ Esie;

JOHN 5:24

Ke akpanikɔ ke ndɔhɔ mbufo, Owo eke ekopde uyo Mi, onyuŋ ɔbuɔtde idem ye Enye emi ɔkɔdɔŋde Mi, enyene nsinsi uwem, inyuŋ idukke ke ikpe, edi ama oto ke mkpa ebe oduk ke uwem.

LUKE 19:10

Koro Eyen Owo ekedi ndiyom ndinyuŋ nnyaŋa se isopde.

ŊWED MBON GALATIA 2:16

ifiɔkde ite inɔŋɔ owo utebe-ikpe ke ntak erinam utom ibet, edi ke ntak mbuɔtidem eke enye enyenede ke Christ Jesus ikpɔŋ-ikpɔŋ, kpa nnyin ŋko ikɔbuɔt idem ye Christ Jesus, man ikpe ekpetebe nnyin ke ntak mbuɔtidem nnyin ye Christ, idige ke ntak erinam utom ibet; koro baba owo kiet midikwe utebe-ikpe ke ntak erinam utom ibet.

1 JOHN 2:25

Ndien emi edise Enye ɔkɔŋwɔŋɔde ndinɔ nnyin, kpa nsinsi uwem.

MME HEBREW 10:39

Edi nnyin idige mbon mfiakedem ŋka nsobo; edi idi mmɔ emi ebuɔtde idem isim erinyaŋa ukpɔŋ.

UTOM MME APOSTLE 8:36

Edi nte mmɔ ekade iso ke usuŋ mmɔ, mmɔ edisim mmɔŋ;

MARK 16:16

Owo eke onimde ke akpanikɔ onyuŋ anade baptism, eyenyaŋa enye; edi enye eke etrede ndinim ke akpanikɔ, ikpe eyebiom enye.

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.

2 ŊWED CORINTH 4:3

Edi edieke gospel nnyin odibede owo ndien, odibe mmɔ emi etatak;

1 ŊWED CORINTH 1:18

Koro erikwɔrɔ cross etie nte ndisime ikɔ ke enyin mbon nsobo; edi ke enyin nnyin emi enyaŋade edi odudu Abasi.

ŊWED MBON ROME 5:21

man nte idiɔk-ŋkpɔ akadade ubɔŋ ke mkpa, kpa ntre ŋko mfɔn akpada ubɔŋ oto ke edinen ido, ɔwɔrɔ nsinsi uwem oto ke Jesus Christ Ɔbɔŋ nnyin.

UTOM MME APOSTLE 13:41

Mbufo emi esuenede Jehovah, ese, enyuŋ eyik, enyuŋ etak; Koro mmanam erinam ke eyo mbufo, Kpa erinam eke mbufo midinimke ke akpanikɔ, owo ekpetetiŋ ɔnɔ mbufo.

MATTHEW 18:10

Etiŋ enyin ekusin kiet ke otu ŋkpri nditɔwɔŋ emi ke ndek: koro ndɔhɔ mbufo nte, mme angel mmɔ ke heaven esuk ekut iso Ete Mi emi odude ke Heaven

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

NUMBERS 21:9

Ndien Moses ada okpoho anam urukikɔt, emen ɔkɔŋ ke enyɔŋ anyan eto, ndien ekem, ke adaŋoro urukikɔt odomde owo, ndien enye ese urukikɔt okpoho oro, enye odu uwem.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.