JOHN 3:11 - Edisana ñwed Abasi Ibom

¹¹ Ke akpanikɔ ke ndɔhɔ fi, nnyin itiŋ se ifiɔkde inyuŋ itie ntiense ibaŋa se ikokutde; edi mbufo ibɔhɔ ikɔ ntiense nnyin.

JOHN 3:11 Referans Kwoze

JOHN 8:38

Ami mmen se ŋketiede ye Ete Mi ŋkut ntiŋ; mbufo ŋko enam se ekekopde ke inua ete mbufo.

JOHN 14:24

Owo eke mimaŋa Mi inimke se ntiŋde; ndien ikɔ eke mbufo ekopde idige okim, edi enyene Ete emi ɔkɔdɔŋde Mi.

JOHN 12:49

Koro Ami mmeŋketiŋke ŋkpɔ ke uyo Idem Mi; edi Ete emi ɔkɔdɔŋde Mi ke Idem Esie ɔkɔnɔ Mi item abaŋa se ŋkpɔdɔhɔde ye se ŋkpetiŋde.

JOHN 8:14

Jesus ɔbɔrɔ mmɔ ete, Ami ŋkpededi ntiense nnɔ Idem Mi, ikɔ-ntiense Mi edi akpanikɔ; koro mmɔfiɔk ebiet emi ntode, ye ebiet emi ŋkade: edi mbufo ifiɔkke ebiet emi ntode, ye ebiet emi ŋkade.

JOHN 7:16

Jesus ɔbɔrɔ mmɔ ete, ukpep-ŋkpɔ eke nnɔde idige Okim, edi edi eke Andidɔŋ Mi.

JOHN 1:18

Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.

2 ŊWED CORINTH 4:4

emi abasi eyo emi akanamde ikike mmɔ eke minimke ke akpanikɔ okim, mbak uŋwana gospel ubɔŋ Christ, emi edide mbiet Abasi, edisem ɔnɔ mmɔ.

ISAIAH 65:2

Ke ofuri usen ke nnyanare ubɔk mi nnɔ mbon nsɔŋ-ibuot, emi esaŋade ke usuŋ eke mifɔnke, ebine ekikere idem mmɔ;

JOHN 1:11

Enye ekedi ke ebiet Esiemɔ, edi mmɔ emi edide iman Esiemɔ idarake Enye.

LUKE 10:22

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke enye emi Eyen edide ke mibɔhɔke Ete: owo inyuŋ ifiɔkke enye emi Ete edide ke mibɔhɔke Eyen, ye owo ekededi eke Eyen amade ndiyarare Enye nnɔ.

ISAIAH 53:1

ANIE onim mbuk nnyin ke akpanikɔ? Ubɔk Jehovah onyuŋ ayarare ɔnɔ anie?

ISAIAH 50:2

Nsinam baba owo kiet miduhe ke ini ŋkedide? Nsinam ŋkotde, ndien baba owo kiet miyereke? Nte ubɔk mi amakabare ɔmuhɔ akan nte ŋkemede ndifak? Nte baba odudu iduhe mi ke idem, eke mmeŋkemeke ndinyaŋa? Sese, nyenam inyaŋ asat ke nduari mi, nnyuŋ ŋkabare mme akpa mmɔŋ edi wilderness: iyak mmɔ eyetebe, koro mmɔŋ miduhe, enyuŋ ekpaŋa ke nsat-itɔŋ.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

UTOM MME APOSTLE 22:18

nnyuŋ ŋkut Enye nte etiŋde ikɔ ye ami, ete mi, Sɔsɔp idem, wara daha, kpɔŋ Jerusalem: koro mmɔ midikopke ikɔ-ntiense eke afo editiŋde abaŋa Mi.

JOHN 5:43

Mmedi ke enyiŋ Ete Mi, ndien mbufo idarake Mi: owo efen ama edi ke enyiŋ esiemɔ, mbufo eyedara enye.

JOHN 3:13

Ndien baba owo kiet ikɔdɔkke ikoduk ke heaven, ke mibɔhɔke Enye emi okotode ke heaven ɔsuhɔre edi, kpa Eyen Owo emi odude ke heaven.

JOHN 3:5

Ke akpanikɔ ke ndɔhɔ fi nte, Edieke owo mimanake oto ke mmɔŋ ye Spirit, enye ikemeke ndiduk ke Obio Ubɔŋ Abasi.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

MATTHEW 23:37

O Jerusalem, Jerusalem, emi owotde mme prophet, onyuŋ ɔtɔŋɔde mmɔ eke edɔŋde etiene fi ke itiat. Adaŋa ediwak ini didie ke ŋkoyom ndibon nditɔ fo ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

ISAIAH 55:4

Sese, mmonim enye ke ntiense mme idut, ɔbɔŋ ye etubom mme idut.

ERIYARARE 3:14

Nyuŋ nɔ ŋwed esɔk angel ufɔk Abasi emi odude ke Laodicea, ete: Ntem ke Enye, emi edide Amen, ata ntiense akpanikɔ, ebe-iso ke kpukpru se Abasi obotde, ɔdɔhɔ ete,

JOHN 3:12

Edieke ŋketiŋde ŋkpɔ isɔŋ nnɔ mbufo ndien mbufo minimke ke akpanikɔ, didie ke mbufo edinim ke akpanikɔ ke mma ntiŋ ŋkpɔ enyɔŋ nnɔ mbufo?

JOHN 8:26

Mmenyene ediwak ŋkpɔ nditiŋ nnyuŋ mbiere mbaŋa mbufo: edi Andidɔŋ Mi edi akpanikɔ; ndien se Ami ŋkokopde Enye ke inua, ŋkpɔ oro ke ntetiŋ nnɔ ererimbot.