JOHN 21:7 - Edisana ñwed Abasi Ibom

⁷ Ntre ke mbet oro Jesus amade ɔdɔhɔ Peter ete, Edi Ɔbɔŋ. Edi ke ini simon Peter okopde ete edi Ɔbɔŋ, enye ɔbɔbɔ ɔfɔŋ ke idem (koro enye eketie iferi), onyuŋ ɔduɔk idem ke inyaŋ.

JOHN 21:7 Referans Kwoze

JOHN 13:23

Mbet kiet emi Jesus amade odu ke okpokoro, etie ebere Jesus ke ikpanesit.

JOHN 20:2

Ntre ke enye efehe edi ke ɔtɔ Simon Peter ye mbet eken emi Jesus amade, onyuŋ ɔdɔhɔ mmɔ ete, Ekemen Ɔbɔŋ efep ke udi, ndien nnyin ifiɔkke ɔtɔ nte enimde Enye.

JOHN 19:26

Ke ini Jesus okutde eka Esie ye mbet emi Enye amade nte edade do, Enye ɔdɔhɔ eka Esie, ete Ŋwan, sese eyen fo do.

2 ŊWED CORINTH 5:14

Koro ima Christ efefik nnyin; koro ida ntem ite, Owo kiet ama akakpa abaŋa kpukpru owo, kpukpru owo ekpaŋa ndien;

JOHN 21:24

Emi edi mbet emi etiede ntiense abaŋa mme ŋkpɔ emi, onyuŋ ewetde mme ŋkpɔ emi, nnyin imonyuŋ ifiɔk ite ikɔ ntiense esie edi akpanikɔ.

JOHN 21:20

Peter ɔwɔŋɔre, okut mbet emi Jesus amade nte asaŋade etiene mmɔ, kpa mbet oro ekebeherede ana ke ikpanesit Jesus ke itie-udia okonyuŋ obupde ete, Ɔbɔŋ, anie edida Fi ɔnɔ?

UTOM MME APOSTLE 10:36

Enye ɔkɔnɔ ikɔ Esie esɔk nditɔ Israel, ke erikwɔrɔ gospel emem emi Jesus Christ ɔkwɔrɔde, emi edide Ɔbɔŋ kpukpru owo;

UTOM MME APOSTLE 2:36

Mmɔdo yak ofuri ufɔk Israel etim efiɔk ete, Abasi ama anam Enye edi ɔbɔŋ ye Christ, kpa Jesus emi mbufo ekewotde ke cross.

LUKE 7:47

Mmɔdo ndɔhɔ fi nte, Emefen enye ediwak idiɔk ŋkpɔ, koro ima esie okpon: edi owo eke efende enye esisit inyeneke akpan ima.

LUKE 2:11

koro Andinyaŋa, emi edide Christ Ɔbɔŋ, amana ɔnɔ mbufo mfin ke obio David.

MARK 11:3

Edi owo ekededi ama ɔdɔhɔ mbufo ete, Nsinam mbufo enamde emi? mbufo edɔhɔ ete, Ɔbɔŋ ke oyom enye; ndien eyenɔ enye afiak edi ini kiet.

IKWƆ SOLOMON 8:7

Ediwak mmɔŋ ikemeke ndinime ima emi, akpa mmɔŋ inyuŋ imenke enye: owo ɔkpɔnɔ ofuri inyene ufɔk esie ke ima emi, ekpesin enye ke ndek.

ŊWED MME PSALM 118:23

Emi oto Jehovah; nnyin inyuŋ ise enye ke utibe.

JAMES 2:1

NDITƆ-ETE mi, ekuda mbuɔtidem emi mbufo enyenede ye Ɔbɔŋ nnyin Jesus Christ, emi edide Ubɔŋ, edian ye uteŋe-enyin.

1 ŊWED CORINTH 15:47

Akpa owo okoto isɔŋ, eke ntan-isɔŋ; udiana-akpa owo oto ke heaven.

JOHN 20:28

Thomas ɔbɔrɔ Enye ete, Ɔbɔŋ mi ye Abasi mi.

JOHN 20:20

Ndien ke Enye ama eketiŋ ntem, owut mmɔ ubɔk Esie ye ŋkaŋ Esie. Ntem ke mbet edat esit ke ini mmɔ ekutde Ɔbɔŋ.

LUKE 12:35

Efak ɔfɔŋ ke isin mbufo eda, enam mme utuenikaŋ mbufo esak;

JOHN 21:8

Edi mbet eken edudi iyire ye iyak edi ke ekpri ubom oro (koro mmɔ iyomke usuŋ ye obot, edi edu ko adaŋa nte esit aba ye duop).