JOHN 20:25 - Edisana ñwed Abasi Ibom

²⁵ Ntre ke mbet eken esian enye ete, Nnyin imokut Ɔbɔŋ. Edi enye ɔdɔhɔ mmɔ ete, Ndinimke ke akpanikɔ ibɔhɔke ini ŋkutnde ɔkpɔ-ukwak ke ubɔk Esie, nnyuŋ nsin nnuenubɔk mi ke nde ɔkpɔ-ukwak, nnyuŋ nsin ubɔk mi ke ŋkaŋ Esie.

JOHN 20:25 Referans Kwoze

JOHN 6:30

Ntem ke mmɔ edɔhɔ ete, Afo anam nso nte idiɔŋɔ naŋa, man nnyin ikut, inyuŋ inim Fi ke akpanikɔ?

MARK 16:11

Ndien ke ini mmɔ ekopde ete, Enye odu ke uwem, Mary ama onyuŋ okut Enye, mmɔ inimke ke akpanikɔ.

MME HEBREW 3:18

Enye okonyuŋ ɔŋwɔŋɔ ɔnɔ manie ete, mmɔ ididukke ke nduɔk-odudu Imɔ, ke mibɔhɔke mbon ntut-utɔŋ?

MME HEBREW 3:12

Nditɔ-ete, ekpeme mbak ndusuk idiɔk esit unana mbuɔtidem edidu owo mbufo kiet ke idem, ke eriwɔŋɔre ŋkpɔŋ Abasi uwem:

JOHN 21:7

Ntre ke mbet oro Jesus amade ɔdɔhɔ Peter ete, Edi Ɔbɔŋ. Edi ke ini simon Peter okopde ete edi Ɔbɔŋ, enye ɔbɔbɔ ɔfɔŋ ke idem (koro enye eketie iferi), onyuŋ ɔduɔk idem ke inyaŋ.

JOHN 1:41

Enye ebem iso okut eyen-eka esiemɔ Simon, onyuŋ ɔdɔhɔ enye ete, Nnyin imokut Messiah (oro ɔwɔrɔ ete, Christ).

LUKE 24:25

Ekem Enye ɔdɔhɔ mmɔ ete, O mbon emi enanade ibuot, emi misɔpke ndinim kpukpru se mme prophet eketiŋde ke akpanikɔ.

MATTHEW 27:42

Enye akanyaŋa owo efen; ikemeke ndinyaŋa Idem Esie. Yak Enye ɔsuhɔre ke cross idaha emi, ndien nnyin iyenim Enye ke akpanikɔ.

ŊWED MME PSALM 78:32

Kpukpru ŋkpɔ emi ikpanke mmɔ ndimana ndiɔk, idem mme utibe ŋkpɔ esie inyuŋ isinke mmɔ enim ke akpanikɔ.

ŊWED JOB 9:16

Ŋkpokot enye, ndien enye ekpeyere mi, ŋkpesehe nte ke enye okop uyo mi ke akpanikɔ;

ŊWED MME PSALM 22:16

Koro ebua ekande mi ekuk: otu mme oburobut owo ekan mi ekuk: ekim mi ubɔk ye ukot.

MARK 16:13

Ndien mmɔ oro edaha ekobuk enɔ mmɔ eken, mmɔ inyuŋ inimke mmɔ ke akpanikɔ.

MARK 16:14

Ke ukperedem Enye ayarare Idem Esie ɔnɔ mbet Esie duop-ekiet ke idem mmɔ nte mmɔ etiede ke itie-udia; Enye onyuŋ asua unana mbuɔtidem ye nsɔŋesit mmɔ ɔnɔ mmɔ, koro mmɔ minimke mmɔ oro ekokutde Enye ke Enye ama ekeset ke akpanikɔ.

JOHN 20:27

Ndien Enye edidɔhɔ Thomas ete, Nyan nnuenubɔk fo, se ubɔk Mi; nyuŋ nyanare ubɔk fo sin ke ŋkaŋ Mi: kunyuŋ unana mbuɔtidem, edi nim ke akpanikɔ.