JOHN 20:2 - Edisana ñwed Abasi Ibom

² Ntre ke enye efehe edi ke ɔtɔ Simon Peter ye mbet eken emi Jesus amade, onyuŋ ɔdɔhɔ mmɔ ete, Ekemen Ɔbɔŋ efep ke udi, ndien nnyin ifiɔkke ɔtɔ nte enimde Enye.

JOHN 20:2 Referans Kwoze

JOHN 13:23

Mbet kiet emi Jesus amade odu ke okpokoro, etie ebere Jesus ke ikpanesit.

JOHN 20:13

Ndien mmɔ ete enye, Ŋwan, nsinam atuade? Enye ete mmɔ, Ekemen Ɔbɔŋ mi efep, ndien mfiɔkke ebiet eke ekenimde enye do.

JOHN 21:24

Emi edi mbet emi etiede ntiense abaŋa mme ŋkpɔ emi, onyuŋ ewetde mme ŋkpɔ emi, nnyin imonyuŋ ifiɔk ite ikɔ ntiense esie edi akpanikɔ.

JOHN 21:7

Ntre ke mbet oro Jesus amade ɔdɔhɔ Peter ete, Edi Ɔbɔŋ. Edi ke ini simon Peter okopde ete edi Ɔbɔŋ, enye ɔbɔbɔ ɔfɔŋ ke idem (koro enye eketie iferi), onyuŋ ɔduɔk idem ke inyaŋ.

JOHN 19:26

Ke ini Jesus okutde eka Esie ye mbet emi Enye amade nte edade do, Enye ɔdɔhɔ eka Esie, ete Ŋwan, sese eyen fo do.

JOHN 21:20

Peter ɔwɔŋɔre, okut mbet emi Jesus amade nte asaŋade etiene mmɔ, kpa mbet oro ekebeherede ana ke ikpanesit Jesus ke itie-udia okonyuŋ obupde ete, Ɔbɔŋ, anie edida Fi ɔnɔ?

JOHN 20:15

Jesus ete enye, Ŋwan, nsinam atuade? oyom anie? Mary ese ete edi ekpeme-iŋwaŋ, onyuŋ ɔbɔrɔ enye ete, Ɔbɔŋ, edieke ekemende okpo efep, sian mi ebiet eke okonimde enye, ndien ami ndibiom enye nnyɔŋ.

JOHN 20:9

Koro mmɔ ifiɔkke kaŋa se ewetde ete, Enye enyene ndiset ke mkpa.