JOHN 2:22 - Edisana ñwed Abasi Ibom

²² Mmɔdo ke ini Enye esetde ke mkpa, mbet Esie eti ete Enye ama eketiŋ ntre; mmɔ enyuŋ enim ŋwed Abasi ye ikɔ emi Jesus etiŋde ke akpanikɔ.

JOHN 2:22 Referans Kwoze

JOHN 12:16

Mbet Esie ifiɔkke se ŋkpɔ emi ɔwɔrɔde ke idaha oro: edi ke ini ema ekɔnɔ Jesus ubɔŋ, adaŋoro mmɔ eti ete ema ewet ŋkpɔ emi ebaŋa Enye, enyuŋ enam ŋkpɔ emi enɔ Enye.

JOHN 16:4

Edi ntiŋ mme ŋkpɔ emi nnɔ mbufo, man, ke adaŋemi edikemde ini mmɔ, mbufo ekpeti ete mma ŋkasian mbufo. Ŋkasianke mbufo mme ŋkpɔ emi ke eritɔŋɔ, sia nsuk ndodu ye mbufo.

JOHN 14:26

Edi Iberedem, kpa Edisana Spirit, emi Ete edinɔde edi ke enyiŋ Mi, Enye eyekpep mbufo kpukpru ŋkpɔ, onyuŋ anam mbufo eti kpukpru se Ami ŋketiŋde nnɔ mbufo.

ŊWED MME PSALM 16:10

Koro afo mudukpɔŋke ukpɔŋ mi ke obio ekpo; uduyakke owo ima fo okut mbiara.

JOHN 2:17

Mbet Esie eti ete ema ewet ete, Ufup ufɔk Fo eyedia mi.

UTOM MME APOSTLE 11:16

Ndien nti ikɔ Ɔbɔŋ nte Enye ɔdɔhɔde ete, John akada mmɔŋ onim owo baptism; edi eyenim mbufo baptism ke Edisana Spirit.

JOHN 2:11

Jesus akanam akpa idiɔŋɔ emi ke Cana ke Galilee, ayarare ubɔŋ Esie; mbet Esie enyuŋ ebuɔt idem ye Enye.

LUKE 24:44

Enye onyuŋ ɔdɔhɔ mmɔ ete, Emi edi ikɔ eke ŋketiŋde ye mbufo, ke adaŋemi ŋkodude ye mbufo; nte kpukpru se ekewetde ebaŋa Mi ke ibet Moses ye mme prophet ye mme psalm enyene ndisu.

LUKE 24:26

Nte inaŋa nte Christ okut mme ukut emi, ndien ebe oduk ke Ubɔŋ Esie?

JOHN 2:2

ndien eka Jesus odu do; enyuŋ ekot Jesus ŋko ye mbet Esie, ete edi ndɔ.

UTOM MME APOSTLE 13:33

Abasi ama anam uŋwɔŋɔ oro osu ɔnɔ nditɔ nnyin, ke emi Enye anamde Jesus eset; nte emi enyuŋ ewetde ke udiana psalm, ete, Afo edi Eyen mi; mmobon Fi mfin emi.