JOHN 2:12 - Edisana ñwed Abasi Ibom

¹² Ke ŋkpɔ emi ama ekebe, Jesus ye eka Esie, ye nditɔ-eka Esie, ye mbet Esie, esuhɔre eka ke Capernaum ekedu do ndusuk usen.

JOHN 2:12 Referans Kwoze

MATTHEW 12:46

Nte Enye osuk eteiŋ ikɔ ye mme otu owo, sese, eka Esie ye nditɔ-eka Esie edida ke aŋwa, eyom nditiŋ ikɔ ye Enye.

ŊWED MBON GALATIA 1:19

Edi ŋkekwe mme apostle eken baba kiet, ke mibɔhɔke James, eyen-eka Ɔbɔŋ.

1 ŊWED CORINTH 9:5

Nte nnyin inyeneke unen ndida ŋwan emi edide eyen-ete nte nsaŋa nnyin, kpa nte mme apostle eken, ye nditɔ-ete ke Ɔbɔŋ, ye Cephas enamde?

MARK 6:3

Nte Enye idige anamusɔ, eyen Mary, ye eyen-eka James ye Joses ye Judas ye Simon? Nte nditɔ-eka Esie iban inyuŋ iduhe ye nnyin? Ndien mmɔ eduɔ ke ntak Esie.

MATTHEW 4:13

onyuŋ ɔkpɔŋ Nazareth ebe edi ediduŋ ke Capernaum, emi odude ke mben inyaŋ, ke adaŋa Zebulon ye Naphtali;

JOHN 6:17

mmɔ enyuŋ ediere ke ubom, ewat ebe inyaŋ eka Capernaum. Ke emi ebiet okim, Jesus inyuŋ isimke mmɔ kaŋa.

MATTHEW 11:23

Ndien afo Capernaum, nte eyemenere okoŋ osim ikpa-enyɔŋ? Eyesuhɔre fi osim obio ekpo: koro edieke ekpekenamde ke Sodom mme utom odudu eke ekanamde ke esit fo, enye okposuk odu osim mfin emi.

JOHN 2:2

ndien eka Jesus odu do; enyuŋ ekot Jesus ŋko ye mbet Esie, ete edi ndɔ.

JOHN 4:46

Ntre ke Enye ɔtɔŋɔ ntak edi ke Cana ke Galilee, ke ebiet emi Enye akanamde mmɔŋ akabare edi wine do. Ndien ɔbɔŋ kiet odu do, emi eyen esie ɔdɔdɔŋɔ ke Capernaum.